Item het zijn comen te rechte inde banc voir meye(r) en(de)/ scepen(en) van loven(en) mychiel fricx sone daneels fricx als/ aenleggere in deen zijde en(de) jan cousin verweerde(r) in/ dande(re) dair de vors(creven) mychiel den vors(creven) janne cousin/ aensprac seggen(de) dat hij met janne day en(de) coline laureys/ van pekeroul alle drie momboe(re)n vand(en) wettige(n) kinde(re)n/ mariens wilen van aken die zij hadde van janne wilen/ lodewijcx hue(re)n vorman die wijf was des voirs(creven) mych(iels) een/ seker tractaet gemaect hadde vand(en) vors(creven) kynde(re)n wegen/ Dair gesloten wert dat de vors(creven) mychiel den vors(creven) kynde(re)n/ voir allet ghene dat zij tot hem te seggen hadden uut/ saken vander heyliker vorwerden gemaect doen zij den vors(creven)/ mychiele nam oft andersins en(de) van allen den ghenen dat/ de selve mychiel en(de) de vors(creven) kynde(re) deen totten ande(re)n te/ seggen mochten hebben totten dage vanden vors(creven) tractate/ gheven en(de) betalen sal [soude] talder heylighe misse naestcomen(de)/ xlii pet(er)s te xviii st(uvers) tscuc Ende [dat] dair voir sal daneel/ fricx des vors(creven) mychiels zijns soens borge zijn [soude] en(de)/ de selve mychiel de zone sulle(n) geloven zijnen vad(er)/ vors(creven) tontheffen En(de) [seide vort] dat gevorweert was dat de vors(creven)/ momboe(re)n zouden geloven de vors(creven) so(m)me den vors(creven) kynde(re)n/ vort te keren ter selver kynde(re)n meesten proffijte en(de)/ oft e(n)nich vanden vors(creven) kynde(re)n aflivich wordd(en) dat tgedeelte/ vanden aflivigen vort versterven zoude op den ghenen/ dairt met rechte op sculdich wa(r)e te versterven En(de)/ dat [oic] vort was ondersproken dat de vors(creven) momboirs/ inden name der vors(creven) kynde(re)n doen zouden quitsceldinge
//
vanden vors(creven) tractate en(de) besorgen dat de vors(creven) mathijs metter/ vors(creven) heyliker vorweerden namaels niet en wordde gepraempt/ Dese pointe(n) boot de vors(creven) mychiel te thoenen met goeden ma(n)nen/ die over de vors(creven) vorweerde hadden geweest hopende/ oft hij de pointen gethoenen conste en(de) dat de vors(creven) verw(eer)de(r)/ ongesundert de vors(creven) vorweerden gelooft hadde tachtervolgen/ dat de vors(creven) jan cousin gehouden zijn soude die tachtervolgen/ zijn vesticheit te nemen en(de) betalinge als zijnen dach/ gevallen wa(r)e en(de) vorts quijtsceldinge en(de) vestich(eit) den/ vors(creven) mych(iele) vand(en) voirs(creven) kynde(re)n wegen te doen det hij hem/ getroeste totten recht Boodt vort te thoenen dat ind(er)/ selver vorweerd(en) de vors(creven) jan en(de) dande(re) momboe(re)n hadden/ toegeseeght dat de vors(creven) mych(iel) ongepraempt soude/ bliven van alsulken houte als hij vander vors(creven) kynde(re)/ erve mocht hebben gehouwen Opt dwelc de vors(creven)/ jan cousin hem verantwerden(de) ontkynde de voirs(creven) vorw(eer)de(n)/ en(de) [en] meynde niet dat hij dair voir gepraempt zoude/ worden noch dat de vors(creven) aenleggher zijn vermet/ my(m)mermeer gethoene(n) en zoude connen Hier op/ wert de vors(creven) aenlegge(r) ghewijst tot zijnen thoenesse/ en(de) ten daghe dair toe gestelt thoende de voirscr(even)/ aenlegge(r) volcomentlic zijn vermet alst voir in/ zijnder aenspraken verhaelt is uutgenomen/ vand(en) houte en thoende hij niet voird(er) dan dat zijten dair/ af los souden houden also v(er)re als zijs macht hadden Dair/ na de scepen(en) gemaent vand(en) meye(r) wijsden voir een/ vo(n)nisse na aensp(ra)ke verantweerd(en) van beide den p(ar)tien/ en(de) thoenisse des vors(creven) aenleggers dat p(ar)tien malcande(re)n/ voldoen zouden na dat de wairheit gedragen hadde/ cor(am) scabinis in scampno dempt(is) borch(oven) meld(er)t ap(ri)lis/ ix