Allen den ghenen die dese l(ette)ren selen sien oft ho(ir)en lesen borg(er)meeste(re)n scepen(en)/ ende raid der stat van loeven(en) saluyt doen te weten dat opden dach datu(m)/ van desen voir ons comen es in prope(re)n p(er)sone lodewijc pynnoc sone he(re)n/ lodewijcx wilen pynnox ridders meye(r) te loeven(en) ende heeft geconstitueert/ gesedt volcome(n) macht p(ro)curacie en(de) auctoriteit gegev(en) gerard(en) van baussele/ secretar(is) der stat van loven(en) vrancken pynnoc na(tur)lic arnold(en) van kets/ en(de) janne die clerc sone wile(n) everarts aut alt(eru)m Alle en(de) yegewelke zijne/ saken questie(n) en(de) gescille(n) die hij uutstaen(de) heeft oft naemaels soude moigen/ hebbe(n) tegen wat p(er)sone(n) oft voir wat gerichte gheestelic oft weerlic dat/ dat sijn oft gescien mochte alle sijn jairguld(en) sculden opcomi(n)gen rinten/ pachten v(er)valle(n) goeden beruerlic en(de) omberuerlic soe waer die inden lande/ van brabant oft d(air) buyte(n) gelegen oft bevond(en) moige(n) werdde(n) hoedanich die
//
zijn en(de) te wat plaetsen oft steden dat dat wesen mochte te verwaren/ te manen te eysschen opte bue(re)n en(de) te ontfanghen dair voe(r) te pande(n) te/ daghen te beleyden rastemente te doen leggen die met rechte texeque(re)n/ te v(er)volgen In meliori forma salvo iusto calculo aug(usti) xvi