Item de vors(creven) coenrart ter eender zijden en(de) roelof van yse(re)n/ ter ande(re) hebben hen verbonden en(de) gesubmitteert in segge(re)n/ en(de) vriendelike effene(re)n vander handelingen die zij underlingen/ hebben gehadt doen de bastart van bossuyt gequetst wert en(de) des/ dien aencleeft Te weten(e) de vors(creven) coenrart in janne hannarde/ en(de) bertelmeeuse vanden velde en(de) de vors(creven) roelof in janne diericx/ en(de) woute(re)n van lantwijc in zulker vuegen dat de vors(creven) p(ar)tien/ elc zijne(n) segge(re)n goede informacie vander saken doen zullen/ tusschen dit en(de) van dijsendaghe naestcomen(de) over viii dagen/ en(de) bynnen viii dagen dair na zullen zij ofs behoeft aenhoe(re)n/ thoenesse en(de) bynnen den selven tijde sullen zij ofs zijs eens/ wa(r)en doen hue(r) uutsprake Ende oft sijs niet eens en worden/ sullen zij die sake zoe die voir hen come(n) is bringen [ter stont] voir scepen(en)/ van loven(en) om een vonnisse van rechte om den wijn te hebben/ Promitt(entes) ratu(m) en(de) oft e(n)niger p(ar)tien segge(re) gebrake zullen/ zij in die stat ande(re) gelike mogen nemen Item was vort/ bevorweert wie vanden vors(creven) p(ar)tien int ongelijc bevonden/ sal worden dat die sculdich sal zijn te betalen alle costen die/ op dese sake loopen sal borch(oven) berghe aprilis xxv