Item es der vors(creven) ii seggers uutsprake dat de vors(creven) baecx den vorscr(even)/ scepen(en) van leefdale ter beternessen doen sal een bedevart tsint/ joes opde zee zo dichtbij en(de) dair voir betalen bynnen xl dagen naestcomen(de)/ eenen guld(en) leeu te xxx st(uvers) [die] ter begherten vanden scepen(en) der/ bekeert sal worden inder sierheit vanden heyligen sinte hubrecht/ patroen inder kercken van leefdale en(de) dat de selve jan/ baecx den selven scepen(en) voir hue(r) costen gheven en(de) betalen/ sal die zij in dese saken gedaen en(de) gheleden hebben vierdalve(n) ryns guld(en) te xx st(uvers) tstuc bynne(n) xiiii nachten naestcomen(de) ta(m)q(uam)/ ass(ecutu)[m] Es vort hair seggen dat de vors(creven) jan noch
//
doen sal den vors(creven) scepen(en) ter beternessen een bedevart te colen/ die te porren bynnen iii dagen na de eendrechtige manesse/ vanden vors(creven) segge(re)n Es noch hue(r) uutsprake dat de vors(creven)/ jan baecx ter stont alle de vors(creven) pointe en(de) elc van dien gelove(n)/ sal den vors(creven) scepen(en) te voldoene op eenen banduyn van/ eenen guld(en) leeu tot ons gened(ichs) he(re)n behof telcken male dat/ hij van e(n)nigen pointe in gebreke zijn sal berghe hoeve(n) aug(usti)/ xx