Item jan ende ghorijs de fuyck gebruede(re)n wettige kinde(re) wolfarts/ wijlen de fuyck ende denijs van oirbeke sone aerts wilen/ van oirbeke die hij hadde van katlijne(n) wijle(n) fuycx zijnen/ wive zuster des voirs(creven) wolfarts in p(rese)ncia hebbe(n) gekint/ ende gelijdt openbaerlijck voir hen hue(re)n oir ende nacomeli(n)g(en)/ dat de rintmeest(er)rs vander stadt aen hen opden dach van/ hede(n) totter stadt behoeff volcomelijck afgeleecht en(de) gequijt/ hebbe(n) met gereede(n) pe(n)ninge(n) die zij daer af hebbe(n) getoge(n)/ de helcht vanden x rinsche gulden(en) der coirvorster mu(n)ten/ van goude goet en(de) gheve jairlijcker hebbe(n) erfrente(n)/ half opden xv[ten] dach van sporkille ende half opde(n) xv[te(n)]/ dach van oechste vallen(de) Elke(n) pe(n)ninck d(air)af met xvii pe(n)ni(n)g(en)/ gelijcke(n) die wouter wijle(n) van goetsenhove(n) drie daghe/ in octobri a(n)no xiiii[c] xxi cochte ende gecreech met scepen(en)/ brieve(n) van loeven(en) aen ende op de co(m)moingemeeste(re)n geswoirne/ raide guldek(en) rintmeester die goede lude vande(n) geslachte(n) de/ geswoirne vanden a(m)bachten ende alle dingeseten(en) ende poirte(re)n/ der stadt van loeven(en) Bekinnen(de) hen vanden pe(n)ningen voirs(creven)/ volcomelijck genoech gedae(n) te zijne geloven(de) ind(ivisim) de stad/ voirs(creven) vander helcht der voirs(creven) renten ne(m)m(er)meer ae(n) te spreke(n)/ noch dingeseten(en) vander stadt maer dat sij ende elc van/ hen der stadt hier af altijt genoechdoen selen oft zij/ ergens te nauwe gedaen hadden ende d(er) stadt dairaff/ innestaen ende warant sijn oft yemant in tijde(n) nacome(n)de/ de stadt oft de rintmeest(er)s prame(n) woude(n) voirde helcht/ der renten voirs(creven) oft die wynne(n) met rechte dat sij ende/ elck dair af de stadt selen ende sal ontlasten coram/ borchove(n) hoeven maii sexta