Cont zij allen lieden dat jan van eertrijke her jan van eert/ rijke priester tot desen renu(n)cie(re)nde de p(ri)vilegien en(de) vrijdich(eiden) d(er)/ univ(er)s(iteit) van lov(enen) ende gheert van eertrijke sone(n) des vors(creven)/ jans te weten(e) de voirs(creven) geert te voren uute(n) brode des/ vors(creven) jans sijns vad(er)s gedaen in p(rese)ncia hebben genomen en(de)/ bekint dat zij genomen hebben vanden eerwerdighen/ he(re)n meeste(re)n gheerlec bont doctoir ind(en) rechte en(de) willem(me)/ vand(er) derft? doctor in beid(en) rechte(n) alle alsulke(n) thienden/ als de he(re)n vanden cap(it)len der kercken van sinte peters te/ loven(en) vand(er) nuwen provi(n)gen liggen(de) hebben te nederlinte(r)
//
inden dorpe(n) en(de) prochien aldair Te houden en(de) te hebben van sint/ jansmesse baptisten naestcomen(de) eene(n) termijn van neghen/ jae(re)n lanc deen na dande(r) zonder middel vervolgen(de)/ elx jars dae(re)nbynnen om en(de) voir hondert en(de) vijfen(de)negentich/ guld(en) peters te xviii st(uvers) tstuc oft de weerde dair af in ande(re)n/ goeden ghelde vallen(de) te vier t(er)mijnen jairlix te weten(e)/ dierste vierdel te paessche(n) dand(er) ts(int) jacops daghe de meerde(r)/ tderdel te bamesse en(de) tvierde vierdel te kersmesse jairlix/ den vors(creven) t(er)mijn due(re)nde te betalen den vors(creven) he(re)n oft hue(re)n/ geco(m)miteerden en(de) telcken t(er)mijne als vervolghde schout En(de)/ es vorweerde dat de vors(creven) thiendeners op dierste jair/ naestcomen(de) betalen zullen ten vors(creven) t(er)mijne(n) c en(de) lxxxvii/ pet(er)s ind(er) weerde vors(creven) en(de) vii(½) st(uvers) Item is vorweerde wa(r)t/ sake dat de voirs(creven) thiendeners aende voirs(creven) thiende e(n)nighe/ schade leden van tempeesten oft gemeynen orloghe ter/ plaetsen vors(creven) datmen hen die afcortten sal ghelijc ande(re)/ he(re)n en(de) p(re)laten hue(re)n thiendeners boven en(de) beneden doen/ zullen Item is vorweerde dat de voirs(creven) thiendeners/ jairlix den vors(creven) t(er)mijn lanc due(re)nde allet stroe dat vand(er)/ vors(creven) thienden comen sal laten zullen den goeden lieden/ van nederlinte(r) en(de) niemande and(er)s op dat zij hen d(air)/ voir betalen also vele als ande(re) van buyten dat copen zoude(n)/ en(de) dit salmen den goeden lieden van nederlynte(r) behoirlic/ in tijts cundigen inder kercken aldair Item is vorweerde/ dat den vors(creven) thiendeners den raepsaet op dleste jair/ volgen sal al wart dat die(n) na sint jansmesse bap(tis)[te(n)]/ als dan gesneden wa(r)e En(de) alle dese vorweerden (et)c(etera)/ borchoven berghe maii xxi