Tvo(n)nisse vand(en) gedinghe dat voer meye(r) en(de) scepen(en)/ van loven(e) geweest es tusscen (christ)inen weduwe arts/ wijlen robbijns aenlegghersse in deen zijde ende joese/ van berhem verweerde(r) in dande(re) alse vand(en) twee mudde(n)/ core(n)s der mate(n) van wave(r) erfspachts te betale(n) alle ja(r)e/ sint andriesmisse apostels die de vors(creven) wile(n) art robbij(n)s
//
hue(r) man uut machte van scepen(en) brieve(n) van loven(e) bekint/ bij gielise van elde(re)n int jare xiiii[c] xlvii cocht en(de) gecreech/ aen en(de) op v dach(mael) beemts der kinde(re)n reyners wilen/ bijset inde gemeyn beemde van wave(r) opde dijle geleg(en)/ neve(n) de goede reyners wilen le drappenier Dair voe(r)/ de vors(creven) weduwe hue(r) den vors(creven) ond(er)pant nu de(n) vors(creven)/ joese van beerhem toebehoi(re)nde hadde doen leve(re)n nader/ stat recht exhibe(re)nde inden rechte een cyrograf van/ scepen(en) van wave(r) dair mede de vors(creven) wilen byset/ voirmails v(er)cocht hadde en(de) [ov(er)] vele jaren maroyen die/ wijf es collarts de pont de vors(creven) twee mudde(n) core(n)s/ ende boot te thoene(n) dat dat scepen(en) brieve waren/ der vors(creven) banc en(de) dat maroye de pont hadde gehat/ vand(en) vors(creven) erfpachte possessie en(de) betali(n)ge Boot voirts/ te thoene(n) dat den vors(creven) gielise van elde(re)n met lijsbette(n)/ de pont sijne(n) wive dese twee mudde(n) core(n)s in huwelik/ wae(re)n gege(ve)n en(de) dat d(air) nae giel(is) en(de) sijn wijf poss(essi)[e]/ dair af hadden gehat Boot voirt te thoene(n) dat/ dair nae de selve arnt en(de) sijne poss(essi)[e] en(de) betali(n)ge/ der vors(creven) twee mudden corens hadde gehadt vand(en)/ besitte(re)n der ond(er)panden vors(creven) ende dat jan van stalle/ van sijns wijfs wegen mede ergename en(de) besitte(r) d(er)/ vors(creven) ond(er)pande voirtijts geweyg(er)t heeft de betali(n)ge/ der vors(creven) twee mudde(n) cor(ens) om dat hij de brieve sien/ woude en(de) alse hijse gesien hadde gaf hij last en(de)/ dede soe vele datse betaelt w(er)dden Hopen(de) oft zij dese/ pointe(n) gethoene(n) conste dat hue(r) hue(re)n vors(creven) erffpacht
//
volgen soude en(de) sculd(ich) wa(r)e te volge(n) Dair op de vors(creven)/ joes hem v(er)antwerden(de) ontkinde volcomel(ic) dat den vors(creven)/ erfpacht op sijn goede slaen soude en(de) meynde dat/ de vors(creven) (christ)ine huers v(er)meets ne(m)mermeer volcome(n)/ en soude sustine(re)nde voirts bij diverse(n) reden(en) dat hij/ der aenspraken [ongehouden] soude wesen Ende dair wardt de/ vors(creven) weduwe gewijst tot hue(re)n thoenisse ende zij/ thoende alle de pointe(n) vors(creven) bij hue(r) inne geleecht/ behalve(n) vand(en) pointe [van] der poss(essi)[en] d(er) vors(creven) maroyen/ dair af droech een getuyge dat hem voirstont dat/ bijd(er) jouffr(ouwen) vand(en) ponte(n) [tide] voirmaels bij sijns vaders/ tijde die wynne was int hof vand(en) ryeuwe gehaelt/ wardde(n) jairlix twee mudde(n) corens een and(er) getuyge/ droech dat hem gedachte dat zij d(air) jairlix coren/ haelden mair uut wat saken oft hoe vele en wist hij/ niet Ende na dallegacie des vors(creven) joes en(de) al tgene/ des sij bij brieve(n) en(de) and(er)ssins innebrachte(n) wart/ gewijst ten uuterste(n) bij de(n) he(re)n scep(enen) van loven(e) ter/ maniss(en) smeyers nae aensprake en(de) v(er)antwerde(n) van/ beide(n) p(ar)tien en(de) thoenisse d(er) vors(creven) weduwe(n) dat der/ selver weduwen en(de) hue(re)n scepen(en) brieve(n) de vors(creven) twee/ mudde(n) corens volgen sullen soe v(er)re dat noch voir/ scepen(en) come(n) es cor(am) eisd(em)