It(em) es vorweerde en(de) tusscen den vors(creven) janne ende arnde smeets/ ter eend(er) zijden ende alle dande(re) kindere voirs(creven) ter ande(re) besproken/ wairt datmen bevonde dat tvors(creven) stuc lants geleg(en) inde p(ro)chie/ van love(n)joel geheete(n) dlaervelt inder maten myn hielde dan/ de brieve dair mede hue(r) vader wilen dat vercreech begrijpen/ dat de selve jan en(de) arnd dat myn allen den ande(re)n kinde(re)n vors(creven)/ goetdoen en(de) oprichte(n) sal en(de) die mate nae begrijp der selver brieve(n)/ volmaken maer oft dat stuc lants meer gedroeghe ind(er) mate(n) dan/ den selve(n) brief uutwijst dat meer soude den selve(n) ja(n)ne en(de) arde come(n)/ en(de) verguetst wordde(n) mair oft den brief gheen mate en hult soe/ en sullen de selve jan oft arnd niet gehoude(n) zijn in e(n)nighe richti(n)ge/ oft volmakinghe mair selen de ande(re) kinde(re) mette(n) selve(n) stucke alset/ dair geleg(en) ende vercrege(n) es bij wile(n) hue(re)n vader te vrede(n) sijn/ cor(am) eisd(em)