Allen den ghenen die dese l(ette)ren sullen sien/ oft horen lesen burgermeeste(re)n scepen(en) en(de) raide/ der stat van loven(en) saluyt doen cont en(de) te weten/ dat opden dach datum van desen voir ons comen is/ in prop(ren) p(er)sone henrick vander hoeven sone wilen/ jans jonge loir [juwelier] en(de) heeft geconstitueert [gesedt] volcomen/ macht procuracie en(de) auctoriteit gegeven hubrechte/ vander straten anthonise van wechelen en(de) janne/ pauwels oft den eenen van hen bringer des briefs/ met rechte te vervolgen [teysschen] op te boren en(de) tontfangen alsulken/ vierthien ryns gulden(en) als dieric wilen thuyle den/ vors(creven) henricke van geleenden ghelde en(de) coepmant
//
scape van karale sculdich en(de) belanc is Dair voir/ te dagen te panden te beleiden rastemente te doen leggen/ also dat na recht behoe(re)n sal die met rechte ende/ vonnissen te vervolgen texeque(re)n en(de) te vorde(re)n ende/ oft noet geborde van allen richte(re)n gheestelic en(de) werlic/ des vors(creven) steet met rechte te conteste(re)n te decline(re)n/ te excipieren te r(e)co(n)venie(re)n te verantweerden te bescudde(n)/ te bedingen [den sculd(er)s te quite(re)n (et)c(etera)] en(de) vortaen generalic en(de) specialic allet/ ghene dair inne te doen en(de) te vorde(re)n des de/ vors(creven) henric selve in p(er)sone soude mogen doen/ telker tijt oft hij tegenwordich en(de) voir ogen wa(r)e/ En(de) wes deen vanden vanden vors(creven) procur(eur)s begonnen sal/ hebben in desen dat dat dand(er) sal mogen vort/ vervolgen ten eynde uut Gelovende de vors(creven) henric/ voir ons in goeden truwen op de verbintenesse van/ allen zijne(n) goeden tegewordich en(de) toecomen(de) beruerlic/ en(de) omberuerlic goet vast gestentich en(de) va(n) weerden/ te houden allet ghene des bijd(en) vors(creven) p(ro)cur(eur)s aut alt(eru)m/ in desen ged(aen) sal worden Salvo iusto calculo junii/ xv