Item jan vander borch sone wijlen jans vervangen(de) indes nae bescr(even) is/ alle zijn mede erfgename(n) van jouffr(ouwe) magrieten vander borch zijnder/ suster die wijf was roelofs wijlen boxhoe(re)n jouffr(ouwe) magriete(n) wed(uwe)/ desselfs roelofs ende daneel boxhoe(re)ns brueder des voirs(creven) [wilen] roelofs/ boxhorens die seke(re) gescillen hebben omde deylinghe van eene(n) hove/ metten wyng(ar)de ende ande(re)n toebehoirte(n) opden keyberch gelegen/ om dien in tween dgelijcken deelen gedeylt te hebben daer de/ voirs(creven) jouffr(ouwe) hue(r) leefdaghe ende nae hue(r) doot de voirs(creven) daneel/ in deen helcht ende voirs(creven) jan ende zijn medep(ar)tien in dander/ helcht ghericht zijn Hebben hen de selve p(ar)tien gesubmitteert en(de)/ verbonden inde eendrechtighe uuytsprake vander stadt gesworen/ meest(er)s ende wercliede te weten meest(er) matheeus de layns en(de)/ willem de beer en(de) jacop vander vesten geloven(de) wes bij hen oft/ den tween van hen hier inne gedaen sal werden tot eeuwigen/ dagen voe(r) goet ende van weerden te houde(n) P(rese)nt(ibus) berge vynck/ junii xvi