Vander questie(n) opverstaen tussce(n) lodewike van langbroec geh(eten)/ mercx in deen zijde en(de) arde van de(n) berghe gehete(n) van/ putte mu(n)tere in dande(re) alse va(n) huerre beyder erve neve(n)/ een gelege(n) inde wyerinc tussce(n) den goede(n) jans vand(er) hoeve(n)/ en(de) de(n) goede(n) claes wilen smisman in dande(re) alse van dat/ de voirs(creven) aert zijn scouwe te(n) erve weert des voirs(creven) lod(ewike)/ en(de) oec zijne(n) oeysidrup te v(er)re uut heeft doen make(n) alsoe/ lodewijc meynde dair af p(ar)tie(n) de meesters vand(er) stad/ aldair gebracht hadden die p(ar)tie(n) stelden vand(er) saken/ voir meye(r) ende scepen(en) va(n) loeven(en) Heeft vrancke/ willemair burg(er)meester te loeven(en) bij ov(er)geven(e) en(de) co(n)sente/ d(er) p(ar)tie(n) voirs(creven) met gorde roelofs uutgesproke(n) dat
//
dat alsulke(n) metselrie ende oesydrup als de voirs(creven) aert ald(air)/ heeft doen maken gelijc dat nu steet sal blive(n) tot ewige(n)/ daghen ongehindert vande(n) voirs(creven) lodewike ende zijne(n) erfge/ namen midts eenre crone(n) te xxiiii stuv(er)s die de voirs(creven) aert/ d(air) af de(n) voirs(creven) lodewike betaelt heeft Ende hebbe(n) p(ar)tie(n)/ gelooft dese uutsprake vast en(de) geste(n)tich te houde(n) ende/ dair jegen niet te gane oft malcande(re)n e(n)nige aensprake oft/ vexacie meer te doene bij hen selve(n) noch bij yeman(de) and(er)s/ in gheene(n) rechte gheestelijc noch weerlijc sept(embris) p(ri)ma