Allen den ghenen die dese l(ette)ren selen sien oft hoe(re)n lesen borg(er)meest(ere)n/ scepen(en) en(de) raid der stat van loeven(en) saluyt doen cont en(de) te weten/ dat opden dach van heden dat(um) van desen voir ons come(n) es in/ p(ro)pe(re)n p(er)sone katlijne reers weduwe henrix wilen tsweerts/ woenen(de) te houdert ende heeft geconstitueert gesedt volcomen/ macht p(ro)curatie en(de) auctoriteit gegev(en) janne dillen vand(er) dorshage(n)/ woenen(de) inde dorpstrate alle hue(r) saken questien ende gescillen die/ zij tegewoirdichlic uutstaen(de) heeft oft naemaels hebben soude moige(n)/ tegen wat p(er)sone oft voir wat gerichte gheestelic oft weerlijc/ dat dat sijn oft gescien mochte Alle j hue(r) jairguld(en) sculden/ opcomi(n)gen rinte(n) pachte(n) p(ro)fite(n) ende v(er)vallen goeden beruerlic ende/ omberuerlik(en) waer die inden lande van brabant oft d(air) buyte(n) geleg(en)/ zijn hoedanich die sijn ende te wat plaetsen oft steden dat dat/ wesen mochte in e(n)nig(er) manie(re)n te verwaren te mane(n) te eysscen/ opte bue(re)n ende te ontfang(en) dair voe(r) te pande(n) te daige(n) te/ beleid(en) rastem(en)te te doen legg(en) die met rechte texeque(re)n/ te v(er)volgen te vorde(re)n en(de) texploite(re)n nae costu(m)e en(de) gewoente/ vand(er) plaetse(n) dair dat behoe(re)n sal oft behoeve(n) soude moigen/ Ende ofts noot gebuerde voir alle richte(re)n gheestelic en(de) weerlic/ met rechte hue(r) saken te (con)teste(re)n te decline(re)n texcipie(re)n te re(con)venie(re)n/ aentesprek(en) te v(er)antwerd(en) te bescudd(en) te bedingen te wynne(n) te/ v(er)liesen alle gescrifte(n) en(de) libellen over te geve(n) en(de) te neme(n) te/ replice(re)n te duplice(re)n alsoe wel int p(ri)ncipael als int accessoir/ alsoe dicwile en(de) menichw(er)ven (et)c(etera) p(ro)mitt(ens) rat(um) salvo (com)putu/ et ass(ignaci)[o(n)e] de p(re)ce r(e)cept(is) et levat(is) in meliori for(ma) oct(obris) xxv / Vander aenspraken die jan fyen int recht voir meye(r) en(de) scepen(en) va(n) lov(enen)/ gedaen heeft op ende tegen janne faige alse van eender vorweerd(en)/ die de voirs(creven) fyen seyde dat de voirs(creven) faige tande(re)n tiden met hem hadde/ gemaict van seke(re)n eygen(en) goeden geleg(en) te leefdale met welker aen/ spraken de vors(creven) faige meynde dat de vors(creven) fyen te vroech op ware/ want hij dier materien aengaende hem onlanx aensprake inde banc/ te leefdale voe(r) den rintmeest(er) en(de) eygengenoeten ald(air) hadde gedaen/ ende dat boot hij te bewijsen metter wet van leefdale Was/ gewijst met desen woirden nae aensprake en(de) v(er)antwerden van/ beiden p(ar)tien en(de) thoenisse des vors(creven) faige dat de vors(creven) jan fyen/ met sijnd(er) vors(creven) aenspraken te vroech op wa(r)e cor(am) o(mn)ib(us) scabinis/ in scampno octobr(is) xxv