Also als jan crappet man en(de) mo(m)boir marie(n) lefebvre weduwe/ jans wilen brocteal die bij crachte va(n) scepen(en) br(ieve) va(n) loeven(e)/ over lang gemaect en(de) gepasseert houden(de) is x m(ud)[de] corens/ d(er) mate(n) va(n) loeven(e) nyvele erfs pachts tsinte and(ries) misse/ ap(oste)ls te betalen en(de) te nyvele te levere(n) op zeke(re) goede ende/ pande jasp(er) chapon en(de) also van hier v(er)crege(n) hadde zeke(re) brieve/ om betalinge d(er) selver rente(n) te hebben oft leveringe der/ voirs(creven) pande Ende p(ar)tie(n) op hede(n) jege(n) malcandere(n) dach/ genome(n) hadde(n) alhier te comp(ar)ere(n) int recht gelijc de voirs(creven)/ jan dat boot te bewisen en(de) nyema(n)t jege(n) he(m) comen en is/ Soe is gewijst met vo(n)nisse d(er) scepen(en) va(n) loeven(e) dat de voirs(creven)/ jan crappet oft he(m) geliefde zijn p(rese)ntacie soude moegen doen/ tekene(n) roelofs berghe nausnyd(ere) hoeve(n) vync oct(obris) xx