SAL7361, Act: R°172.3-V°172.1 (360 of 504)
Search Act
previous | next
Act R°172.3-V°172.1  
Act
Date: 1468-03-26

Transcription

2019-08-20 by myriam bols
It(em) henric weer sone wijlen gheerts van glabbeke ende marie zijn wijf/
in p(rese)ncia hebben genomen ende bekint dat zij genome(n) hebben van janne/
cleynvranx als p(ro)cur(eur) lodewix pynnocx meyers te loven(en) thof desselfs/
lodewijx geleg(en) taetrode metten huysen hove(n) bog(ar)den schue(re)n stallen/
wynnen(de) lande beemde(n) eeussele(n) mette(n) bosschelke(n) aenden houberch en(de)/
den buyte(n) pachte(n) en(de) allen ande(re)n toebehorte(n) soe v(er)re jan van daelhe(m) geheete(n)/
van pamele die laestwerf gehoude(n) heeft Te houde(n) te hebben en(de) te wynne(n)/
van halfmerte lestled(en) eene(n) t(er)mijn van vi ja(r)en lanc due(re)nde deen nae/
dande(r) staphants sond(er) middel volgen(de) elx jairs d(air)enbynne(n) tvors(creven) hoff/
met den wynnen(de) lande(n) en(de) toebehorte(n) o(m)me en(de) voe(r) tweenveertich sacken/
rox goet en(de) payabel te vi halst(er) lovensche mate elke(n) sack ge(re)ke(n)t pachts/
van aetrode En(de) de vors(creven) beemde en(de) eeussele o(m)me en(de) voe(r) neghentien/
hollan(sche) g(ulden) te wete(n) tvors(creven) core(n) ts(in)t andriesmisse apostels en(de) de weyhue(r)/
ts(in)te m(er)tensmisse te betale(n) en(de) tselve core(n) te loven(en) te leve(re)n de(n) vors(creven) lod(ewijke)/
en(de) sijne(n) p(ro)cur(eur) aut alt(er)i jairlix de(n) vors(creven) t(er)mijn due(re)nde q(uo)l(ibet) ass(ecutu)[m] ende/
de vors(creven) bog(ar)de o(m)me en(de) voe(r) de helicht van alle(n) den oofte d(air) op jairlix/
wassen(de) de welke als die gelesen sal sijn de vors(creven) wy(n)ne de(n) vorscr(even)/
lodewijke jairlix te loven(en) oic leve(re)n sal quol(ibet) ass(ecutu)[m] Met vorweerden/
dat de vors(creven) wynne de vors(creven) lande [jairlix] zijne(n) vors(creven) t(er)mijn due(re)nde wynnen/
werve(n) ende meste(n) sal wel en(de) loflic gelijc reengenote(n) bove(n) en(de) benede(n)/
en(de) die tsijne(n) afsceiden late(n) gelijc hijse tot sijne(n) income(n) vand(en) vorscr(even)/
janne van pamele aenveert heeft met vorweerde(n) voort dat de vorscr(even)
//
wynne alle de v(er)droichde boome om en(de) omtri(n)t den vors(creven) goeden/
staen(de) oft vallen(de) sal moigen uutroden en(de) te hemw(er)t neme(n) tot sijnd(er)/
berring(en) behoef bij alsoe dat hij voir elke(n) der selver weder/
setten sal twee leven(de) pote(n) vand(en) selve(n) arde It(em) sal de vors(creven) wy(n)ne/
de huysinge vand(en) vors(creven) hove houde(n) wel en(de) loflic op sijne(n) cost/
vand(er) und(er)ster rijkele(n) ned(er)w(er)t ende alsme(n) d(air) and(er)ssins dect oft plect/
oft van ouden wercke yet maict dan sal die wynne den werclied(en)/
den montcost geve(n) ende lodewijc de dachue(re)n betale(n) It(em) sal de/
vors(creven) wynne jairlix om de huysinge vand(en) vors(creven) hove(n) te decken/
mote(n) leve(re)n ii[c] walme(re) Ende alle dese vorweerd(en) cor(am) ty(m)ple/
m(ar)cels lye(mingh)[en] m(ar)cii xxvi
ContributorsMi-Je Van Gils
Moderated byMi-Je Van Gils
Last update: 2016-07-19 by Jos Jonckheer