Allen den ghene(n) (et)c(etera) doen cont en(de) te wete(n) dat opden dach va(n) hede(n)/ datu(m) van desen voir ons come(n) is in p(ro)pe(re)n p(er)sone jan diericx wonen(de)/ te loven(en) ende heeft geconstitueert gesedt volcome(n) macht p(ro)cu(r)acie en(de)/ auc(tori)teyt gegeve(n) ja(n)nen de beye(re) clause(n) de beye(re) zijne(n) sone ende henr(icke)/ dyericx na(tur)lijck sone des voirs(creven) jans aut alteru(m) te v(er)volge(n) alsulke(n)/ xlvii gulde(n) rijd(er)s op ja(n)ne boschma(n) va(n) leefdale en(de) zijn goede gelijc/ de selve jan boschman hem sculdich es met scepen(en) br(ieven) va(n) hev(er)le d(air)op/ gemaect te mane(n) teyssce(n) optebue(re)n ende tontfange(n) En(de) ofts noot/ geboirde voir alle gerichte gheestelijck en(de) weerlijck te v(er)volge(n) te/ bedinge(n) te wy(n)ne(n) te v(er)liese(n) van des zij ontfange(n) sele(n) aut/ quita(n)cie te geve(n) (et)c(etera) in meliori for(ma) P(ro)mitt(ens) rat(um) salvo iusto calculo/ m(ar)cii penult(ima)