Item alsoe als over een wijle geleden de mo(m)boirs vander capelle(n) vanden/ xii ap(oste)len opde ulake den rade vander stadt ernstelijck gevolcht hebbe(n)/ om te vreden gestelt te worden van sulke(n) reste ende tachterheyden/ als meester goird pasteel die rentmeester der voirs(creven) capellen en(de) der armer/ daer toebehoe(re)nde geweest es den selven sculdich ende belang es bleven/ Ende de voirs(creven) meester goirdt die voirtijts zeke(re) vorweerde vande(n) voirs(creven)/ reste segt gemaect te hebben(e) metten voirs(creven) mo(m)boren meynt tselve/ rest eensdeels met erfrinten ter quitingen die hij der voirs(creven) capelle(n)/ beset heeft op zijn goede te nurode ende zijn huysinge inde coest(ra)te/ neven vrancken willemars voldaen te hebben(e) Soe eest dat op hede(n)/ bijden rade volle(n) rade vander stat voir oeghe(n) gelegt alle tghene des/ inde voirs(creven) sake van voe(r) tot achter es overleden overdragen en(de) get(er)mineert/ wert voe(r) reden(en) ende recht eve(n)verre de voirs(creven) meester goirdt alsoe/ vele doet dat zijn borgen die hij voe(r) zijne(n) voirs(creven) dienst ten tijde/ vand(en) aenveerden sette Gelove(nde) voir scepen(en) van loven(e) genoech doen ende/ warandeerscap vanden voirscr(even) renten ende den panden der selver bynnen/ ende buyten loven(en) gelegen in alder manie(re)n hij dat alleene gedaen heeft/ Ende dat de onderpande der selver rente(n) jairlijcx goet genoech zijn/ om de(n) arme(n) costeloes hue(r) renten daer aen te crigen en(de) oft namaels d(air)/ gebreck inne viele dat zij dair voe(r) soude innestaen dat dan tprincipael/ ghelt der voirs(creven) besetter renten hem corten sal aen zijn rest oft in/ gebreke van des(er) sal hij anderssins de voirs(creven) mo(m)boiren van sijne(n) voirs(creven)/ reste moeten vernuegen ende te betalen Ende vanden verlope der/ voirs(creven) renten sal hij den ermen en(de) d(er) voirs(creven) capellen moete(n) voldoen/ inder vueghen als hij des mette(n) voirs(creven) mo(m)boire(n) is overcomen/ p(rese)nt(ibus) lyemi(n)ghen hoeve(n) burg(imagistr)[is] junii xxii