Allen den ghene(n) (et)c(etera) doen cont en(de) te wete(n) dat opden dach van/ heden datum des briefs voir ons comen es in p(ro)pe(re)n p(er)soene gielijs/ van gotteignies ende heeft ge(con)stitueert gesedt en(de) volcome(n) macht/ p(ro)curacie en(de) auctoriteit gegev(en) willem(me) vand(en) dorpe alsulke rinte(n)
//
van veerthien rinsche gul(den) der vier koervorst(er) mu(n)te(n) voir dat(um)/ sbriefs gemu(n)t lijfpen(sien) ten live des vors(creven) gielijs alse de selve/ gielijs heeft en(de) houden(de) es met scepen(en) brieve(n) van loeven(en) vand(er)/ daet xiiii[c] xxxiiii octobr(is) xii op seg seke(re) goede en(de) pande/ wilen willemens vand(er) aa nu willems van merode als mo(m)/ boir sijns wijfs docht(er) jans wilen vand(er) aa geleg(en) inden/ p(ro)chien van putte en(de) sint jans inde(n) scriec int lant van/ mechelen [en(de) d(air) omtri(n)t] Te mane(n) teysscen op te bue(re)n te ontfang(en) d(air) voe(r)/ te pande(n) te dage(n) te beleide(n) rasteme(n)te te doen legge(n) ende/ oic d(air) voe(r) opde ond(er)pande en(de) de besitt(er)s d(er) selver met/ rechte te vervolgen te vorde(re)n te p(ro)cede(re)n en(de) die texeque(re)n/ leve(ri)nghe vand(en) selve(n) ond(er)panden dair voe(r) met rechte te/ v(er)sueken te nemen tontfange(n) en(de) te doen gescien de selve/ ond(er)pande dien navolgen(de) te houde(n) te hantplichte(n) te gebruyk(en)/ te rege(re)n uut te gheve(n) te verhue(re)n te verpachte(n) al nae/ costu(m)e richt en(de) gewoente vand(en) plaetse(n) d(air) dat behoi(re)n/ ende behoeve(n) soude moige(n) Ende voirt alle saken questie(n)/ ende gescille(n) die uut dien e(n)nichsins spruyte(n) mochte(n) met/ rechte te (con)teste(re)n te decline(re)n te excipie(re)n te reco(n)venie(re)n te/ v(er)antweerd(en) te bescudden te beding(en) alle gesc(ri)fte(n) en(de) libelle(n)/ ov(er) te geve(n) en(de) te neme(n) te replice(re)n te duplice(re)n alsoe wel/ int p(ri)ncipael als int accessoer alsoe dicwile en(de) menichw(er)ve(n)/ als des te doen sijn sal en(de) gelijc dat behoe(re)n sal voir alle/ gerichte gheestelijc en(de) weerlijc dairs te doen mochte wesen/ Alles des vors(creven) steet met rechte te wynne(n) en(de) te verliesen/ composicie en(de) mynlike yffeni(n)ge d(air) af te make(n) den sculders/ te quite(re)n en(de) quitan(cie) te geve(n) et sic ulter[(ius)] ad lo(n)gu(m) gex geex/ tendert in meliori forma [cu(m) p(o)t(es)ate substituen(di)] P(ro)mitt(ens) rat(um) Salvo iusto/ calculo oct(obris) vi[ta]