It(em) de voirs(creven) drie kinde(re) d(omin)us jacob(us) renu(n)c(ians) et alii ema(ncipa)[ti] utsup(ra) hebbe(n)/ geconsenteert gewillecoirt ende gelooft voir hen hue(re)n erve(n) ende/ nacomelinge(n) der vors(creven) adelissien hue(re)n sust(er) p(ri)us ema(ncip)a[te] soe wa(n)neer/ de selve adelissie te hijlijc trecken sal na staet d(er) heilig(er) kercken met/ sulke(n) p(er)soen als jan wilen de pape huer oem in sijne(n) leven(e) dat begheert/ heeft te gescien dair vele goed(er) ma(n)nen af wete(n) der selver hue(re)r/ zust(er) en(de) hue(re)n oiren te laten volgen en(de) te late(n) volge(n) die goede die/ wa(r)en des vors(creven) wilen jans soe v(er)re die te wynge gelege(n) sijn also/ wale die leene aldair als de chijs goede in huysen hoven schue(re)n/ wynnen(de) lande(n) beemden eeusselen bosschen en(de) ande(re)n toebehoirten oft/ d(er) selver hue(re)r sust(er) moet d(air) af [te] hebben Op alsoe als dat gebuert/ dat dan de vors(creven) adelissie dragen sal alleen van dien goeden hue(r)
//
gelande vand(en) vors(creven) viventwintich rinsch(e) gul(den) jairlix der moed(er)/ leefdaige lanc nae advena(n)t van allen den [ande(re)n] omberuerlike(n) goede(n)/ acht(er) den vors(creven) wilen janne de pape gebleve(n) ende als dat oic/ gebuert dan en sal de vors(creven) adelissie niet deilen in gheene(n)/ omberuerlik(en) goede(n) die huer verschene(n) moigen zijn oft toe/ comen souden moigen van vader en(de) moed(er) oft den vors(creven) janne/ wilen de pape hue(re)n oem maer daer mede van dien uutblive(n)/ cor(am) eisd(em)