Item op tgescille tusschen de bedesetters van mulsteden in deen zijde/ en(de) janne de brieve(re) mu(n)te(r) in dand(ere) om der pandinge wille/ van eenen p(er)de dat den vors(creven) janne afgepant was voir tvoldoe(n)/ ons gened(ichs) he(re)n beden d(air) op de selve jan tot mulsted(en) gesedt/ was en(de) dair inne de selve bedesetters meynd(en) dat hij was/ gehouden d(air) af hij de contrarie hoopte mits d(er) vrijdich(eiden)/ vande(n) mu(n)ters niet myn hij bekinde dat hij tot her/ toe aldair bede betaelt hadde Es get(er)mijneert bijden raide/ vand(er) stat zoe verre de voirs(creven) jan zijn aendeel vand(er)/ selv(er) beden metten cost d(air) op gelopen niet en betaelt dat/ dan de vors(creven) bedesetters tvoirs(creven) p(er)t exeque(re)n sullen met/ v(er)copingen tot d(er)re tijt toe dat de vors(creven) jan de mu(n)te(r)/ mits p(ri)vilegien onsen gened(ichen) he(er)e achtervolgen(de) d(er) instructien/ volcomen claernesse sal hebben gedaen en(de) dat gecleert sal wesen/ om vry te moeten wesen p(rese)ntib(us) d(omi)nis de consilio febr(uarii) iiii