It(em) gord van gheest en(de) machtilt sroeden zijn wijff in p(rese)ncia/ hebbe(n) genome(n) ende bekint dat zij genomen hebben van laur(eyse)/ van wynge [voir hem] en(de) (christ)iane meys voir hem en(de) jacop van eyck zijne(n)/ brueder vand(er) moeder zijden thoff ter ledicheyt met huyse/ hove(n) wynnen(de) lande bempde(n) eeussele(n) en(de) ande(re)n toebehoirte(n)/ alsoe dat belege(n) is inde p(ro)chie van libbeke en(de) gelijc jan de/ smet dat houdende is Te houde(n) en(de) te hebbe(n) van halfm(er)te/ naestcomen(de) ov(er) i jaer eene(n) t(er)mijn va(n) xii jare(n) lang deen na/ dand(er) staphans sond(er) middel volgende elcx jaers om xx m(ud)[d(en)]/ rocx goet en(de) payabel d(er) mate(n) va(n) loeven(en) met wanne en(de)/ met vede(re)n wel bereyt alle jare tsinte andriesmisse ap(oste)ls te/ betalen en(de) te loeven(en) te(n) huyse des voirs(creven) laur(eys) oft d(ar)t he(m)/ gelieve(n) sal te leve(re)n de(n) voirs(creven) t(er)mijn dueren(de) en(de) om xx(½)/ r(ijnse) guld(en) te xx st(uvers) stuc oft de w(er)de dair af in ande(re)n/ goede(n) paymente te sint half te kersmisse en(de) half te/ meye(n) en(de) e(m)mers onbegrepe(n) binne(n) meys vol betaelt te/ zijne quol(ibet) ass(ecutu)[m] En(de) is vorwerde oft de voirs(creven) wy(n)ne bi(n)ne(n)/ den yerste(n) sesse jare(n) sceyden woude(n) dat hij dat sele(n)/ moege(n) doen bij alsoe dat hijt een jaer te voe(re)n segge(n)/ sal en(de) oft zijns voirs(creven) wijfs gebrake soe sal hij te(n) ix[te(n)]/ ja(r)e moege(n) sceyde(n) op dat hijt oec een jaer te voe(re)n/ cundige It(em) sale(n) de wynne alle jare sculdich zijn te hale(n)/ met zijne(n) wage(n) en(de) drie p(er)de(n) x voed(er) m(er)ghels dairt he(m)/ de voirs(creven) laur(eys) binne(n) love(n)joel coepen sal en(de) doen leve(re)n oft/ de wynne selen dat doen te(n) coste en(de) laste des voirs(creven)/ laur(eys) en(de) d(er) kijnde(re)n en(de) oft de(n) wy(n)ne(n) geliefde meer m(er)gels/ jaerlijcx te hale(n) dat soude laur(eys) betalen en(de) dat sele(n) de/ wynne vuere(n) op tvoirs(creven) lant slants meeste(n) p(ro)ffite alsoe/ wel te(n) versten als te(n) naesten It(em) zij selen alle de weghe(n)/ wat(er)leyde(n) en(de) bodeme(n) houden veghen ende ruyme(n) wel en(de)/ loflijc de(n) voirs(creven) t(er)mijn dueren(de) alsoe datter gheen schade af
//
en come en(de) sond(er) last des voirs(creven) laur(eys) en(de) d(er) kijnde(re)n en(de) oft hen/ dair toe e(n)nich hout behoefde dat selen zij moege(n) houwe(n)/ op de voirs(creven) goede ter mynster schaden It(em) zij sele(n) jaerlijcx/ opde goede moege(n) houwe(n) alsoe vele berringe(n) als hen ter/ goeder wijs behoeven sal sonder op de bossche e(n)nige schade/ te doene en(de) zij sele(n) de(n) voirs(creven) laur(eyse) jaerlijcx te loeven(en)/ leve(re)n xii wissen houts en(de) vi[c] rijs alsulke als hij hen ald(air)/ bewisen sal It(em) waert soe dat zij e(n)nige v(er)droechde willege(n)/ afhyeuwe(n) d(air) voe(r) sele(n) zij sculd(ich) zijn va(n) elke(n) ii pote(n) te/ sette(n) It(em) sele(n) zij sculdich zijn op tvoirs(creven) goet s te houde(n)/ hond(er)t scape It(em) zij sele(n) den chijs uutde(n) voirs(creven) goede(n)/ gaende jaeerlijcx betale(n) alsoeme(n) hen dien in gesc(ri)fte over/ leve(re)n sal also in tijts datter gheen schade bij en gesciede/ in afslage vande(n) pe(n)ninge(n) voirs(creven) It(em) de voirs(creven) wynne en(de) laur(eys)/ sele(n) allet ooft opde voirs(creven) goede wassende uutgesceyde(n)/ steenooft dat de wynne(n) alleen hebbe(n) selen mette(n) afvalle/ vanden ande(re)n te(n) ware va(n) wyntslage jaerlijcx deylen half/ en(de) half en(de) de wynne sele(n) d(er) meeste(re)n helicht te loeven(en)/ leve(re)n en(de) laur(eys) sal de(n) lesere half betalen It(em) de voirs(creven)/ wynne sele(n) jaerlijcx int voirs(creven) hof leve(re)n iii[c] walme(re) om op/ de huyse ald(air) te v(er)decke(n) en(de) alsme(n) dair die verdect/ selen de wynne de(n) wercliede(n) de(n) montcost gheve(n) en(de)/ laur(eys) sal de dachue(re)n betale(n) It(em) sal de voirs(creven) laur(eys) alle/ jare cope(n) vijftich mandele(n) en(de) de voirs(creven) wynne(n) xxv ma(n)dele(n)/ stroes [binne(n) i mile(n) omgaens libbe den hove voirs(creven)] en(de) dat sal de wynne halen int voirs(creven) hof leve(re)n met/ zijne(n) beesten ette(n) en(de) te meste make(n) en(de) dat mest/ vuere(n) op tvoirs(creven) lant tslants meeste(n) p(ro)ffite It(em) en sele(n) de/ wy(n)ne gheen lant va(n) ande(re)n moege(n) houde(n) noch aenv(er)den/ noch uut(er) messien ald(air) moege(n) meste(n) dan op dvoirs(creven) lants/ noch tvoirs(creven) hoff in al noch in deele van huerre hant uut/ geve(n) sond(er) consent des voirs(creven) laur(eys) en(de) d(er) kindere(n) It(em) sele(n)
//
de voirs(creven) wynne de huysinge vanden voirs(creven) hove houde(n) wel en(de)/ loflijc vand(er) underster rijkele(n) nederweert tot op de plate/ It(em) oft alsoe geviele dat d(air) behoefde gewracht te werde(n) tenig(er)/ tijt van oude(n) wercke dan soude de wynne tot iii dage(n) toe/ en(de) niet langer den wercliede(n) de(n) montcost gheve(n) sond(er)/ voird(er) d(air) inne gehoude(n) te zijne It(em) sele(n) de wynne jaerlijcx/ den duyve(n) ald(air) leve(re)n (½) m(ud)[de] crintsen des selen zij hebbe(n) tduyve(n)/ mest en(de) dat vuere(n) op tvoirs(creven) lant tslants meesten proffite/ It(em) sij sele(n) aenhalen al desme(n) ald(air) tot de(n) ouden wercke/ behoeve(n) sal d(air)t hen de voirs(creven) laur(eys) cope(n) sal It(em) sele(n) de/ voirs(creven) wynne de voirs(creven) goede houde(n) wynne(n) w(er)ven en(de) meste(n)/ wel ende loflijc de(n) voirs(creven) t(er)mijn dueren(de) gelijc reengenote(n)/ bove(n) en(de) beneden en(de) die late(n) te(n) afsceyden brake en(de) storte/ elc eens omgedaen en(de) zij en sele(n) ten leste(n) drie jare(n) voir/ hue(re)n afsceyde(n) egheene d(er) voirs(creven) lande moege(n) hoervruchte(n)/ It(em) want vorw(er)de is dat de voirs(creven) laur(eys) de(n) voirs(creven) wynne/ leene(n) sal te hue(re)n income(n) vi pet(er)s te xviii st(uvers) stuc soe/ selen sij de(n) selve(n) laur(eyse) die wed(er)om gheve(n) en(de) betale(n)/ tsinte and(ries)misse d(air) na volgende H(ier) af zijn borge(n) des/ voirs(creven) wynne wille(m) va(n) hoeb(er)ge sone wilen jans en(de)/ gord cocart sone wile(n) gorts beyde va(n) libbeke Et p(ri)mi duo/ cor(am) col(en) m(ar)cels feb(ruarii) xxii