Item den vors(creven) brief is den vors(creven) woute(re)n bekint te dier meyningen/ en(de) tot dien eynde dat hij hem dair mede behulpen sal moge(n)/ om costeloes ontslagen en(de) gelooft te zijne van allen alsulken/ toeseggen en(de) gelooften als hij clause den kersmake(re) voir scepen(en)/ van loven(en) gedaen heeft van en(de) ten ocsuyne van zeke(re)n lande(n)/ den selven clause toebehoe(re)nde inde loe gelegen die de vors(creven) wout(er)/ in jairscharen en(de) pechtingen tegen den vors(creven) clause genomen/ heeft met scep(enen) brieve(n) vand(er) daet xiiii[c] [vacat]/ die de vors(creven) gelovers te bynnen zijn en(de) dair af de jairscharen/ uutgaen van merte naestcomen(de) over een jair en(de) die de/ selve gelovers vanden vors(creven) woute(re)n over hebben om inde stat/ vanden selven woute(re)n te stane Ende de pechtinge den vor(screven)/ clause volcomentlic voldaen zijnde en(de) de vors(creven) wouter dair/ af gelooft salme(n) den vors(creven) schout brief te nyeute doen eisd(em)