Item henric colenere magriete en(de) beatrus zijn dochte(re)n/ die hij hadde van katlijnen wilen van bouler sijnen wijve/ in desen te voren uuten broode van hue(re)n vors(creven) vad(er) gedaen/ met behoirliker manie(re)n ten bijsijne wille en(de) consented van/ s(er)vase vynckendey maegh der vors(creven) dochte(re)n van hue(re)r moed(er)/ weghen affirme(re)nde de saken hier na bescreven geschiet te sijne/ ten meesten orber vanden vors(creven) dochte(re)n in deen zijde ende/ henric clissen voir hem ende inden name van katlijnen/ oudere zijnen wijve weduwe jans wilen van bouler/ oudevader d(er) vors(creven) dochte(re)n die hij hier inne gelooft heeft/ te vervangen ter ande(re) sijn met malcande(re)n eens/ worden alse vanden p(ar)tien van renten hier na verclaert/ Te weten(e) van twee mudden corens der maten van loven(en)/ erfpachts die ter quijtingen stonden die de vors(creven) jan van/ bouler met der vors(creven) katlijnen ouders zijnen nawijve v(er)crege(n)/ heeft en(de) nu afgequijt zijn en(de) stonden op zeke(re) goede/ gelegen te holsbeke ende van vier clinckarts erflic/ die [oic] ter quijtingen stonden [en(de)] die de selve jan oic vercregen/ heeft metter vors(creven) katlijnen op zeke(re) goede geleghen/ opden blauwenputte inder vuegen en(de) condicien hier/ na bescreven Te weten(e) dat zij de pe(n)ningen der vors(creven)/ twee mudden corens erflic getogen hebben en(de) die alsoe/ gedeilt dat zijs in wedersijde te vreden zijn ende alse/ vanden vors(creven) iiii clinckarts erflic dair af is besproken/ dat nade doot der vors(creven) katlijnen ouders de vors(creven) henric/ colenere en(de) zijn dochte(re)n een vanden voirs(creven) vier clinkarts
//
erflijc hebben sullen en(de) de vors(creven) katlijne oudere en(de) de hue(re) sullen/ behouden erflijc dande(r) drie clinckarts [om die te volgen na hair doot alsoe zij geordineert heeft] want dair na de/ vors(creven) pe(n)ingen d(er) vors(creven) ii mudden corens erflic gedeilt sijn/ gheweest Geloven(de) de vors(creven) p(ar)tien dit tractaet voir/ hen en(de) hue(re)n nacomelingen volcomentlic tonderhouden en(de)/ deen den ande(re)n hier af voirder vesticheit te doen ofs behoefde/ en(de) goet gerecht warant te zijne en(de) te bliven tot eeuwegen/ daghen cor(am) eisd(em)