Item vanden gescillen die e(n)nichsins hangen mogen [oft staen] tusschen ghisbrechte/ lobbe in deen zijde janne arnde en(de) willem(me) lobbe gebruede(re)n des/ vors(creven) ghisbrechts zone arnts wilen lobbe roelofve lambart voir/ hem en(de) jouffruwe johanne lobs zijn wijf zuster der vors(creven) gebruede(re)n/ en(de) voir woute(re)n petermans en(de) jouffr(uwe) lijsbetten lobs zijn wijf oic/ zuster der vors(creven) gebruede(re)n en(de) zuster die welc man en(de) wijf lest/ vorg(enoemd) de vors(creven) jan en(de) willem gebruede(re)n ongesundert gelooft hebbe(n)/ tot des na geruert wort te vervane in dande(re) Om der goeden/ wille die de vors(creven) ghijsbrecht bij testamente van ghisbrechte/ wilen zijne(n) oem te hemweert voir uut meynde te hebben en(de)/ te trecken vanden welcken de vors(creven) ande(re) p(ar)tie hielt de cont(ra)rie/ Hebben hen de selve p(ar)tien gesubmitteert verbonden en(de)/ gesubmitteert inde eendrechtige uutsprake vanden eerbae(re)n/ en(de) notablen meeste(re)n janne van grousselt en(de) robberde delacu/ doctoirs in beyden rechten gerarde van baussele en(de) hillegerde/ van holsbeke secretarise der stat van loven(en) in sulker vueghen/ dat de vors(creven) p(ar)tien in weder zijde den vors(creven) yffene(re)n en(de) appointeerd(er)s/ in gescrifte overgheven zullen en(de) in handen bringen sal tgheen/ dair mede zij hen in deser zaken zullen willen behulpen ende/ de selve appointeerders informacie gehadt van al tghene des/ te deser materien voir deen oft dande(re) p(ar)tie zal moge(n) dienen/ zullen hue(r) eendrechtige uutsprake opt voirs(creven) gescille ende/ des dair aen cleven mach doen bynnen xiiii nachten naestc(omende)/ Promitten(res) ratu(m) En(de) oft e(n)nige segg(er) gebrake indie stat sulle(n) p(ar)tien/ met eendrachte eene(n) ande(re)n geliken p(er)soen mogen neme(n) roel(ants) ouder(ogghe)/ julii xviii