Uuyt dien dat symoen vander hofstat hebbende g(e)n(er)ale p(ro)cu(r)acie van jouffr(ouwe)/ lijsbetten vanden rivie(re)n zijnder moeder wed(uwe) willems wile(n) vander hofstat/ zijns vaders de welke willem int jair xiiii[c] xlviii vii dage in decembri/ met scepen(en) brieve(n) va(n) loven(en) gegoet ende gheerft was in eene(n) gulden(en)/ rijde(r) oft de weerde d(air) af vallende jairlijcx te kersmesse aen ende op/ een huys ende hof bog(ar)den ende eeussele(n) ende ande(re)n zijne(n) toebehoirte(n)/ jans de liste geleg(en) te rotselair ter plaetse(n) geheete(n) tophem gelijck/ scepen(en) br(ieven) van loven(en) dair af zijnde dat uuytwise(n) opde(n) dach van/ heden hadde doe(n) dach doen met andr(iese) va(n) rosmeer vorste(r) adriane(n) vand(en)/ steene joha(n)nese vand(er) hofstat sone wile(n) jans zijne(n) zwagher en(de) laur(eyse)/ uuyter helcht om dat zij hem ongebruyck deden ende pynde(n) te doene/ aende(n) voirs(creven) rijde(r) erflijck Ende de voirs(creven) diene(r) op zijne(n) eedt gedrage(n)/ heeft dat hij den voirs(creven) adriane janne(n) vande(r) hofstat ende laur(eyse) aen/ hue(re)n mont ende adriane vanden steene tsijnre woenstat dach gedaen/ heeft om op hede(n) voir meye(r) en(de) scepen(en) va(n) loven(en) tege(n) de(n) voirs(creven) symone/ te rechte te comen daer gheen van hen come(n) en is Soe hebbe(n)/ de vo(n)nisse(n) d(er) scepen(en) van loven(en) gewese(n) waer dat de voirs(creven) gedaechde/ niet en quame(n) ten opstaene d(er) he(re)n scepen(en) voirs(creven) datme(n) dan den/ voirs(creven) symone vande(n) voirs(creven) rijde(r) inde macht va(n) sijne(n) scepen(en) brieve(n)/ houde(n) sal alsoe v(er)re alst noch voir ons come(n) is cor(am) o(mn)ibus scabinis/ dempto lyemi(n)gen m(ar)cii xxix