Vander questien die quam voe(r) den raide van der stad/ tusschen jouffrouwen katlijnen horekens die wijf es jans/ vanden hove werdynne inden weldeman in deen zijde/ ende gheerde peters smet der stat gesworen dyenere/ in dande(re) om dat de voirs(creven) jouffrouwe katlijne begheerde/ ende versocht dat de voirs(creven) gheerd tegen sint jansmisse/ naestcomen(de) ruymen en(de) ledeghen soude huer huys mett(er)/ toebehoirte(n) daer hij nu inne woent geleghen inde steenstrate/ tegen thuys wout(er)s wilen van nethen(en) dat hij tot de(n) vors(creven)/ daighe in hue(ri)nghen heeft gehouden want zijt anderen/ tegen dien tijt hadde verhuert Daer af de vors(creven) gheerd/ meynde de contrarie ende hoopte te bewijsen(e) beyde met/ eenen cyrograve dat peter beyart gemaict hadde ende/ oic met levender waerh(eit) die daer af wisten te spreken/ dat sijnen tijt noch lang(er) wa(r)e en(de) dat hij noch hue(ri)nge/ daer aen hadde Wart get(er)mineert bijden raide vand(er)/ stat dat der voirs(creven) jouffrouwen huer huys tsint/ jansmisse naestcomende volghen soude ende dat de/ voirscr(even) gheerdt die handt daer af soude lichten/ ende hadde hij van e(n)nig(er) hue(ri)nghen aentespreken dat/ hij dat dade met rechte In pleno (con)silio ap(ri)lis/ xvi[ta]