Alsoe als b(er)tran colet ingeseten poirte(r) d(er) stad van loeven(en) metter/ stad brieve hadde bescreve(n) de besett(er)s van gheldenaken() die he(m)/ yessche(n) vand(er) bede(n) met hen te (con)t(ri)buere(n) alsoe hij seyde alsoe/ vele als hij tandere(n) tiden gegoude(n) en(de) betaelt hadde/ meynen(de) dat dat alsoe niet en behoirde gem(er)ct dat hij/ iii kijnde(re) onlanx bestaedt hadde en(de) hen in huwelik(en)/ voirwerde(n) vande(n) zijne(n) gegeve(n) en(de) bewijst xl m(ud)[de] corens/ thiensche en(de) meynde dat he(m) d(air) af afslach gescien soude/ en(de) sculdich ware te gescien Dair op de voirs(creven) bedesett(er)s/ bij gebracht hebbe(n) dat des de voirs(creven) b(er)tram bove(n) de voirs(creven)/ ghiften behoude(n) heeft wel gedraecht alsoe hoge als zij/ hem gesedt hebbe(n) soe dat bij d(er) stad geappointeert is dat/ de voirs(creven) b(er)tram desen tax dueren(de) medeghelde(n) en(de) (con)t(ri)bue(re)n/ sal l st(uvers) en(de) d(air) mede gestaen Ac(tum) in pleno (con)s(ilio) maii s(ecund)[a]