Tvo(n)nisse vanden gedinghe dat voer meye(r) en(de) scepen(en) van loven(en) geweest es/ tusschen goirde vekeman in deen zijde ende raese de rijke van he(re)nt in/ dande(re) daer de selve goird den voirs(creven) raese beteech dat hij gesproke(n)/ ende v(er)antweerdt hadde voer lodewijke van leefdale geheeten/ bauwens voer een so(m)me van pe(n)ningen gedragen(de) hondert en(de) veertich/ peters die oerspronc namen van eenen bloke lants gelegen/ te velthem aende kercke dat de selve lodewijc van leefdale tege(n)/ den vors(creven) goirde gecocht ende gecregen hadde ende daer af/ de selve raes de pe(n)ninghe hadde verantweerdt ende gelooft/ te betalen seggende dat hij vanden selven bloke soe v(er)re/ alst chijs goet was de guedinghe ende vesticheit hadde gedaen/ ende vanden leenen p(rese)nteerde hij de guedinghe te doene als/ de hee(re) bijder hant oft gereet mocht wesen Daer op de vors(creven)/ raes hem v(er)antweerden(de) hoopte bij diversen reden(en) bij hem ge/ alligeert ende daer hij thoenisse af bijleyt der aenspraken/ en(de) der borchtocht ongehouden te wesen Was gewijst met dese(n)/ woirden nae aensprake v(er)antweerd(en) en(de) thonisse van beide(n) p(ar)tie(n)/ dat de vors(creven) raes ongehoude(n) sijn soude van alsulk(er) aensprak(en) als de/ vors(creven) goirt te hemw(er)t gedaen hadde P(rese)ntib(us) o(mn)ib(us) scabinis de(m)pto ty(m)ple/ ouderogge maii xix