Opde questie die geweest is voir den raide vander stat/ alhier tusschen den meye(r) en(de) scepen(en) van meerhout/

en(de) henricke cools ter eend(er) zijden en(de) janne vanden/ wyere ter ande(r) zijden vanden costen die gedaen zijn/ geweest inde banc te meerhout vors(creven) in gescrifte bijden/ vors(creven) henricke(n) den vors(creven) raide bij p(ar)celen over gegeven dair/ in de selve p(ar)tien hen verbonden en(de) submitteerden ende/ die hue(r) uutsprake yerst aengehort des beide de voirs(creven)/ p(ar)tien hebben willen allige(re)n gedaen hebben inder manie(re)n/ hier na volgen(de) Te weten(e) inden yersten op dierste ii[ste] iii[e]/ en(de) iiii[de] articlen dair de vors(creven) henric yesch viii oude grote/ die hij betaelt hadde ii scepen(en) van meerhout doen hij hem/ p(rese)nteerde voir de selve scepen(en) te verborgen uuter vroenten/ Item voir des meyers wijn van meerhout die d(air) over stont/ viii oudegr(oten) Item opt point dair hij eyscht xvi oud(e) gr(oten) om/ deswille dat de scepen(en) van meerhout versocht wae(re)n vand(en)/ vors(creven) henricke die gevangen man was recht en(de) vo(n)isse te/ hebben en(de) als doen voir des vors(creven) meyers recht viii oud(e)/ gr(oten) Es getermijneert zoe verre de meye(r) en(de) scepen(en) vors(creven)/ tot desen en(de) voir den scrive(n) m(ijns) gened(ichs) he(re)n d(air) met dat den hof geslote(n) wert/ niet gedaecht nocht versocht en wa(re)n om der selver saken/ wille te moeten come(n) dat dan de vors(creven) jan vanden wyere/ van dien coste ongehouden sal zijn Item op v vi en(de) vii[ste]/ articlen dair de vors(creven) henric yesch en(de) seeght betaelt/ te hebben xxiiii oude gr(oten) van dat hij vi scepen(en) inde banc te/ meerhout te rechte hadde doen daghen doen de vors(creven)/ jan zijn aensprake doen zoude opden vors(creven) henricke die/ de selve henric v(er)sochte en(de) begheerde taenhoe(re)n Item als doen/ voir des meyers wijn viii oude gr(oten) en(de) voor den meye(r) iiii oude/ gr(oten) Es getermijneert zoe verre desen dach diende/ buyten genechten dat dan de vors(creven) jan gehouden sijn sal/ te betalen den vors(creven) meye(r) twee oude gr(oten) te iiii pl(a)c(ken) tstuc/ en(de) elcken vanden vors(creven) scepen(en) en(de) hue(re)n clerc zo v(er)re zij d(air)/ wae(re)n iiii pl(a)c(ken) Item op viii ix en(de) x[ste] articlen dair/ de vors(creven) henric eyscht betalinghe te hebben vanden voirs(creven)/ janne xxviii oudegrote voir vii scepen(en) van meerhout
//
die ten versueke des vors(creven) henricx ind(er) vierscharen versochte een/ hoetvonnisse te halen dair af hij de pe(n)ninge inne gesedt hadde/ te weten(e) oft de vors(creven) jan vanden wyere desgelix oic inne gesedt/ hadde Item voir des meyers wijn viii oude gr(oten) en(de) voir den/ clerck als doen betaelt iiii oud(e) gr(oten) es getermijneert dat de/ vors(creven) jan hier af ongehouden zijn sal Item op xi ar(tic)[le]/ dair hij eyscht vanden vonnisse te doen scriven xii st(uvers) sal/ de vors(creven) jan metter betalingen van iiii st(uvers) gestaen sal Item/ op xii en(de) xiii [a(rtic)[le]] dair de vors(creven) henric eyscht voir den cost/ van v scepen(en) die tvonnisse te loven(e) gehaelt hadde(n) dair/ om zij uut wa(r)en iii daghe voir elcken des daeghs iiii oude/ gr(oten) en(de) voir des smeyers wijn die de selve scepen(en) tot hue(re)n/ hoode geleit hadde insgelix iii dage elx daeghs iiii stuv(er)s/ Es getermijneert dat de vors(creven) jan vand(en) wye(re) gehouden/ sal zijn te betalen den meye(r) en(de) scepen(en) hue(re)n cost van also/ vele dage(n) als zij o(m)me [selve] tvo(n)nisse te halen uutgheweest zijn/ Item op xiiii[de] ar(tic)[le] spreken(de) vanden hoetcosten den scepen(en) van/ loven(e) betaelt is uutgesproken dat de vors(creven) jan die sal/ betalen navolgen(de) zijnder p(rese)ntacien Item op xv xvi en(de)/ xvii[ste] ar(tic)[le(n)] dair de vors(ceven) henric yesch weder te hebben iii(½) ph(ilip)s/ pe(n)ninc van eedtghelde den meye(r) van meerhout gegeve(n)/ en(de) iii(½) d(enieren) ph(ilip)s den vorste(r) van meerhout gegeve(n) om div(er)se/ p(er)sone getuygen te doen dagen Ende vanden iii(½) r(ijnse) guld(en)/ en(de) meer ande(re) costen die de selve henr(ic) seide verleeght/ te hebben om tvoirs(creven) hoetvonnisse te halen mits dat hij die/ niet verborgen en mochte Es der stat uutsprake/ dat de vors(creven) henric verdoolt is aenden vors(creven) janne van desen/ costen mair heeft hij e(n)nich gebrec van zijnen ingesetten/ ghelde dat hij dat volghe aende scepen(en) van meerhout/ en(de) oft de selve scepen(en) van dien e(n)nich recht gebrect/ van dat hier niet geruert en is en(de) dair zij vii r(ijnse) gul(den)/ onder hebben om [de] thoetvaert te halen dat jan vanden/ wyere den vors(creven) henr(icke) d(air) voir innestaen sal te rechte Item/ op xviii en(de) xix [ar(tic)le(n)] dair de voirs(creven) jan p(ar)tien hen verbonden/ hadden inne te sette(n) en(de) om thoetvonnisse te scrive(n) ter p(rese)ncien/ va(n) vii scepen(en) met hue(re)n clerc d(air) voir hij seeght xii st(uvers) bet(aelt) te hebben/ is duutsprake dat de vors(creven) jan betalen sal d(air) af iiii st(uvers) voir den loen vand(en)/ clerc en(de) d(air) met gestaen Actu(m) in pleno (con)silio septembris xi