Item her jan ballinc priest(er) capellaem d(er) kercken van sinte pet(er)s te/ loven(en) dien uut kynnessen hem gedaen voir scepen(en) van lov(enen) bij g(er)truden/ weduwe claus wilen ballincx zijnd(er) moed(er) vand(er) daet xiiii[c] lxii febr(uarii)/ xiiii geconsenteert was voir uit vand(en) goed(en) na hue(r) doet bliven(de) te hebbe(n)/ x pet(er)s te xviii st(uvers) tstuc in p(rese)ncia [renu(n)cians] heeft gekint deselve x pet(er)s vand(en)/ vors(creven) goeden gehaven te hebben Geloven(de) den selve(n) goede(n) vand(en) vors(creven)/ x pet(er)s ny(m)mermeer aentespreken en(de) behoudelic hem zijnd(er) actien and(er)s/ sins inde selve goede na uutwisen vand(en) register opden vors(creven) daet/ staen(de) in des(er) came(re)n col(en) oud(erogghe) sept(embris) xvi