Het zijn comen ter questien voe(r) den rade vander stadt gielijs de/ rode na(tuer)lijck sone her gielijs wile(n) de rode canonincx d(er) kerke(n) va(n)/ sinte pet(er)s te loven(en) in deen zijde ende gielijs de rode zijn neve/ sone jans de rode brueder vanden voirs(creven) wijle(n) h(er) giel(ijs) in dandere/ oirspronck nemende uuyte(n) comp(ro)misse voire scepen(en) van loven(en) gepass(er)t/ decima augusti lestleden tusschen den voirs(creven) gielijse na(tuer)lijck in deen/ zijde ende den voirs(creven) gielijse de(n) rode met janne zijne(n) vader/ ende janne zijne(n) brueder in dande(re) Bij welken comp(ro)misse van/ hen der stadt geswoe(re)n meesters ende wercliede genome(n) wa(r)en/ onv(er)scheyden om te palen ende te scheyden huerder beyder erve/ neven een geleg(en) inde mu(n)tstrate achter neven de(n) uuytganck/ vanden huyse des voirs(creven) gielijs na(tuer)lijcx geleg(en) bove(n) inde cattest(ra)te/ dair uuyt dat de selve stadmeest(er)s inder sake(n) soe verre waren/ geprocedeert dat zij opden gront der voirs(creven) goede v(er)gadert hebbe(n)/ geweest ende hadden daer verhoirt opde scheydinge die de oud(er)s/ ende ande(re) goede ma(n)ne die vander sake(n) te spreke(n) wiste(n) bij eede/ als dat behoirde ende voirt nae duytwise(n) vander plaetse(n) w(aer)heit/ der plaetse(n) getekent met stecken en(de) maten genome(n) dair die/ scheyden souden Dwelc de voirs(creven) gielijs janssone hem voir de stad pijnde/ te wederleggen ende seyde want de eerwerdige he(re) dabt van p(er)cke/ van deser saken ende tusscen dese p(ar)tien een uutsprake arbitrael hadde/ gedaen dair op tvoirs(creven) compromis oec is gefondeert begripende dat/ vercleert soude zijn de staet dair de goede in stonden opden dach dat/ de voirs(creven) gielijs natuerlijc zijn huwelijc dede dat de getuge(n) soude(n)/ moeten precise spreken van dien daghe ende niet van voe(r) oft nae/ Ende de voirs(creven) gielijs natuerlijc hoopte dat de waerheit bijden meest(er)s/ verhoert sulc ware dat hem genoech soude zijn al en hadden/ zij den nameliken dach niet onthouden oft genoemt mer hadde(n)/ cleer gedeponeert hue(r) conde van voe(r) en(de) na zijne(n) huwelic en(de) alsoe/ dat hem dat billiken genoech soude wesen Hier op worden bijder/ stad rade verhoirt tvoirs(creven) compromis ende oec de selve stadmeest(er)s/ die openbaerlijc vercleerden des hem de voirs(creven) gielijs na(tuer)lic hadde/ vermeten voir hen betuycht te zijn ende darentynden werdt van/ rechts wegen bijder stad overdragen datmen navolgende den/ voirs(creven) (com)promisse inder voirs(creven) saken ten ynde uut soude voirtgaen ende/ werdt alsoe den selven meesters bevolen acht(er)volgende den voirs(creven)/ compromisse metter voirs(creven) palingen tussce(n) de voirs(creven) p(ar)tien voirt te
//
varen [niet jege(n)staen(de) dat de(n) tijt va(n)d(en) (com)p(ro)misse geexpireert is] alsoe zij bevinden souden dat behoirde nade waerheit die zij/ verhoirt hadden ende de palen ende teken(en) alsoe setten dat p(ar)tie(n)/ in tiden toecomende dair mede verwaert mochten wesen P(rese)nt(ibus)/ lyemingen hoeven burg(imagistris) et plurib(us) aliis sept(embris) xxii