Item arnt ghijsbrecht en(de) willem lobbe gebruede(r) sone wilen arnts/ in p(rese)ncia sijn met malcande(re)n bij middel van hue(re)n magen/ en(de) vrienden eensworden voir hen hue(re)n erven en(de) nacomelinge(n)/ vanden stoote die zij underlingen gehadt hebben om der/ omberuerlike goede wille het zijn leene eygen(en) en(de) chijsgoede/ die hen bleven en(de) verstorven zijn na en(de) vand(er) doot des/ vors(creven) wilen arnts en(de) jouffr(ouwe) lijsbetten wilen dierix hue(re)r moed(er)/ der pointe en(de) condicien hier na verclaert die zij mal/ cande(re)n tot eeuwegen dagen gelooft hebben tonderhouden/ en(de) te voldoene Te weten(e) inden yersten dat elc vand(en)/ vors(creven) drie gebruede(re)n van nu vortvaen voir he(n) en(de) hue(r)/ nacomelinge volghen en(de) toebehoe(re)n sal tvierdel van allen/ den selven goeden zoe wair die gelegen zijn en(de) genoempt/ mogen worden opden dast d(air) voir uutgaende van welcken/ vierendeele elc den ande(re)n inde hove d(air) die hoven behoirlike/ vestich(eiden) doen zullen tot elx coste die die behoeve(n) sal zoe/ wanneer zijs van malcande(re)n versocht zullen wezen Behalve(n)/ dat de selve drie gebrued(er)s janne lobbe hue(re)n ousten brued(er)/ vanden vors(creven) leengoeden voiruut zullen laten volghen xii/ hollan(sche) gul(den) te xvi st(uvers) tstuc tsjars op dat zij metten selven janne/ dair met conne(n) gestaen Ende inden gevalle oft zij aend(en) selven/ hue(re)n brued(er) vand(en) selven leengoeden met myn dan de vors(creven) xii/ hollan(sche) gul(den) consten gestaen zoe is vorweerde dat dat den vors(creven)/ arnde en(de) ghijsbrecht volge(n) soude sonder de selve willem dair/ inne gericht te zijne en(de) wes zij [oic] meer den vors(creven) hue(r) janne hue(re)n/ brued(er) vanden selve(n) leengoeden ghave(n) d(air) af soude de vors(creven)/ willem en(de) zijn goede ongehouden zijn ende mits desen/ sullen versmelten en(de) te nyeute zijn [tusschen den vors(creven) arnde ghijsbrechte en(de) willem(me)] alle alsulke testame(n)ten/ uut(er)sten wille en(de) makingen als den vors(creven) ghebruede(re)n oft/ e(n)nigen van hen gemaect mogen zijn bijd(en) vors(creven) willem arnde/ en(de) zijne(n) wijve en(de) oic wilen ghijsbrechte lobbe hue(re)n oem/ zond(er) deen den ande(re)n d(air) met in nacomen(de) tijden te moge(n)/ quellen moyen oft vexeren in e(n)nigen rechte gheestelic oft/ weerlic in e(n)niger manie(re)n bij hen selve(n) oft yeman(de) and(ers) Geloven(de)/ h(ier)af deen den wad ande(re)n goet gerecht warant te zijne en(de) te/ bliven tot eeuwegen daghe roel(ants) m(ar)cels sept(embris) ult(im)a