Vanden gedinghe dat voer meye(r) ende scepen(en) van loven(en) hanght tussce(n) he(re)n/ jacoppe vanden breyne prieste(r) met janne vanden breyne zijnen brueder/ welc jan des voirs(creven) her jacops zijns brued(er)s borghe wardt totten eynde/ vanden rechte in deen zijde ende clause marchant in dande(re) Aldair de/ voirs(creven) her jacop voir hem selve(n) en(de) met eend(er) p(ro)curacie(n) hem gegev(en)/ van jouffr(ouwe) katlijnen spapen zijnder moed(er) e(n)nige erfgename jans/ wilen de pape huers brued(er)s welc jan de pape int jair xiiii[c] lxiii/ januarii x geleid was totte(n) goeden [henrix] jans ende robbeerts van ra/ veschote gebruede(re)n voir seke(re) lijfpen(sien) brieve inden selve(n) beleide/ gheinsereert hoopten ende meynden dat hem de goede der voirs(creven)
//
robbeerts ende henricx van ravescote gebruede(re)n die met eender/ cedullen int recht gelesen wa(r)en en(de) hier nae bescreve(n) staen tot/ huer(er) schout behoef die welke zij bij eede p(rese)nteerde(n) te verifice(re)n/ dueghdelic ende buyten hue(re)n brieve(n) te verifice(re)n ende die zij/ v(er)claerden volgen soude(n) ende sculdich wa(r)en te volgen offeren(de)/ oft de vors(creven) claes die oic voir gebrec van lijfpen(sien) bij de(n) vors(creven) henr(icke) [gebruede(re)n]/ van raveschote bekent beleyt mocht sijn en(de) nae hen totten/ goeden der selver gebruede(re)n hen hue(r) schout opleggen en(de) betale(n)/ woude zij p(rese)nteerden hem hue(r) brieve ende recht over te geven/ ende te transporte(re)n des de vors(creven) claes meynde dat hem niet/ en behoefde maer seyde dat zij nae de verificacie hue(re)r schout/ sculdich souden zijn die goede te exeque(re)n Wart gewijst bij/ vo(n)nisse nae aensprake ende v(er)antweerden van beiden p(ar)tien dat/ den vors(creven) gebruede(re)n vanden breyne tot hue(re)r wettig(er) schout/ behoif die zij met hue(re)r eedt affirme(re)n souden willen de/ vors(creven) goede volgen souden ende dat zij die sculdich soude(n)/ sijn te exeue(re)n en(de) dae(re)ntinden recht P(rese)ntib(us) o(mn)ib(us) scabinis/ dempto roelants octobr(is) x