Vanden gescille e(n)nichsins wesen(de) ende opverstaen tusscen janne de welde en(de)/ katlijnen scuyp(er)s sijnen wive in deen zijde ende pete(re)n roesele(re) als momboir/ lijsbetten colijns zijns wijfs die hij hier inne geloift te vervaene in dande(re)/ om alrehande gebreken eysscen en(de) so(m)men van pe(n)ningen die zij deen tot/ den ande(re)n te seggen oft uutstaen(de) mochte(n) hebben oft van wat ande(re)n/ saken dat dat wa(r)e tot den daige toe van heden Hebben hen de selve/ p(ar)tien gesubmitteert ende verbonden in segge(re)n ende vriendelike yffene(re)n/ te weten de vors(creven) jan de welde ende sijn wijf in janne ouderogghe/ ende henricke van guetrode ende de vors(creven) peter in pete(re)n vander/ hoeven borg(er)meest(er) ende meester janne lobbe secretar(is) in sulk(er) vuege(n)/ dat de vors(creven) p(ar)tien hue(r) gebreke en(de) eyssce(n) in wed(er)ssijde(n) overgeve(n) sele(n)/ tussce(en) dit ende maendach tsavonts naestcomen(de) ende d(air) op in wed(er)sijde(n)/ antweerde(n) op dat hen gelieft binne(n) ii daige(n) d(air) nae Ende dat gedaen/ op dats behoift selen sij in wed(er)sijden thoenisse en(de) claernisse moigen/ leiden ende doen van des vors(creven) steet en(de) de vors(creven) segg(er)s hue(r) uutsp(ra)ke/ d(air) af doen op dat sijs eens sijn binne(n) viii daige(n) d(air) nae ende oft zijs/ niet eens en zijn dat sij den die saken ende alle claernisse en(de)/ gesciedenisse voir hen comen sijnde bringen selen voe(r) den raide/ vand(er) stat om een uutsprake van rechte d(air) af te hebben te(n) naiste(n)/ daige van rechte d(air) nae Promitt(entes) rat(um) ende oft e(n)nig(er) p(ar)tien/ segge(re) gebrake dat zij in die stat ande(re) gelike sele(n) moige(n) neme(n)/ cor(am) roelants m(ar)cels octobr(is) xxiii