Item es tusschen den vors(creven) janne blanckart willem(me) pierart en(de)/ gehuysschen ondersproken wart tsake datmen namaels bevonde
//
dat e(n)nige der vors(creven) porceelen voirder oft hoger beco(m)mert wa(r)en/ dan voirgescreven staet dat zij dat malcande(re)n oprichten sullen/ en(de) d(air) af cuelen den ande(re)n elc zijn aendeel na advenant met/ regeeden pe(n)ningen na lantcoep Item is ond(er)sproken oft me(n)/ namaels e(n)ige goede bevonde ongedeilt zijnde vand(er) natue(re)n/ dat dese goede zijn dat zij die in drien geliken deelen/ deylen zullen cor(am) eisd(em) Item is tusschen den selven p(ar)tien/ ondersproken dat inde vertidinge vanden voirs(creven) chijse niet/ begrepen zijn en zullen die chijse die voirmaels gegoet/ zijn tot zeke(re) messen inde kercke van sinte peters te loven(en)/ voir pete(re)n wilen van sinte peters voirs(creven) en(de) zijnen wijve/ gedaen te worden want van dien elc vanden vors(creven) p(ar)tien blijft/ op zijn beloep van rechte cor(am) eisdem