Item jouffrouwe katlijne weduwe pet(er)s wilen vanden breyne die nu/ wijf es arnts de cock metten selven arnde hue(re)n man in deen zijde her/ jacop vanden breyne prieste(r) jan philips en(de) adelissie vand(en) breyne wettige/ kynde(re) der selver jouffr(ouwe) katlijne(n) die zij hadde vand(en) voirs(creven) wile(n) pete(re)n/ te weten die voirs(creven) h(er) jacop yerst renu(n)cie(re)nde tot des nae bescrev(en) es/ d(er) p(ri)vileg(ien) vand(er) univ(er)siteit van loven(en) en(de) alle ande(re) vrijdich(eiden) ende/ die voirs(creven) jan philips ende adelissie uut(er) voirs(creven) hue(re)r moeder broode hier/ toe bij (con)sente vand(en) voirs(creven) arnde de cock hue(re)n man gedaen in dande(re)/ Sijn met malcande(re)n mynlic bij toedoene en(de) tussce(n)spreken van hue(re)n/ vriende(n) overcomen ende eens wordde(n) der pointe(n) en(de) (con)dicie(n) hier na/ verclaert die zij malcande(re)n gelooft hebben volcomelic te voldoen en(de)/ tonderhoude(n) inden yerste(n) dat die vier kinde(re) pet(er)s wilen vand(en)/ breyne en(de) jouffr(ouwe) katlijne(n) voirg(enoemt) ter stont overhebben en(de) van nu/ voirtaine aenveerde(n) [sullen] alle die omberuerlike goede ende rente(n) alsoe/ wel leene eygen als erve die bleve(n) zijn nae de doot jans wilen/ de pape brueder was der voirs(creven) jouffr(ouwe) katlijne(n) der moed(er) en(de) oem/ der voirs(creven) hue(re)r kinde(re) waer die gelegen zijn oft hoe die genoe(m)t/ moige(n) wesen Behalve(n) dat zij d(air) af geve(n) selen ende gelove(n) der/ selver hue(re)r moed(er) te geve(n) jairlix viventwintich rinsch(e) gul(den) te/ xx stuv(er)s oft de weerde tstuc in alrehande ande(re)n goede(n) gelde nae/ de valuacie vand(en) lande soelange de selve hue(r) moeder leve(n) sal/ vallen(de) jairlix ts(in)t jansmisse andriesmisse ende ombegrepen betaelt/ te wordde(n) deen helicht te vastelavonde en(de) dander helicht ts(in)t/ jansmisse dierste beghinnen(de) s(in)t andriesmisse naestcomen(de) ende/ van dier rinte(n) sullen de selve kinde(re) doen der selver hue(re)r moed(er)/ alle alsulke(n) vestich(eiden) als den kinde(re)n mogelijc sal sijn te doene/ nae recht in hue(re)n p(er)sone(n) oft met hue(re)n goeden alsoe dat de moed(er)/ daer mede hue(r) lijf leefdaige sal verwaert zijn Sijn voort over
//
comen dat alle tvliegenderve ande(re) beruerlike goede en(de) schoude(n)/ die opden dach van heden in wesen noch zijn en(de) die bleve(n) sijn nae/ des voirs(creven) jans papen doot de voirs(creven) kinde(re) vier kinde(re) ter stont/ aenveerden en(de) trecke(n) sulle(n) en(de) daer mede doen huer profijt be/ halve(n) dat de voirs(creven) jouffr(ouwe) katlijne de moeder d(aer) af hebbe(n)/ sal twee schalen en(de) vand(en) ande(re)n juwelen van huysrade va(n)/ elx een stucke dat zij kyese(n) sal voir huer gebruyc d huer leefdage/ lanc ende die schalen ende gecore(n) juweelen die sal zij en(de) de/ vors(creven) arnd hu de cock huer man de(n) vors(creven) kinde(re)n ten tide vande(n)/ aenveerde(n) gelove(n) datse nae der vors(creven) moed(er) doot den vors(creven)/ kinde(re)n wed(er) comen zullen ende gerestitueert wordde(n) Uutge/ nome(n) oic hier inne tcoren dat inden huyse des vors(creven) jans wile(n)/ de pape noch opde(n) dach van heden leecht van jans tide dat/ de moeder en(de) kinde(re) dat coren half en(de) half nu deile(n) sulle(n)/ sond(er) e(n)nige gelufte oft restitucie naemaels d(aer) aff te gescien/ Met (con)dicien voirt oft her jacoppe vande(n) breyne vors(creven) ind(er)/ maten yet gebrake van sijne(n) veertich mudde(n) core(n)s die hem/ vand(en) vors(creven) sijne(n) oem in testame(n)te gemaict wa(r)en affgeslage(n)/ tgheen des hij dair af selve gedaen heeft op sijne(n) eedt dat/ hij dat vand(en) vors(creven) coren datmen deilen zoude voir al sal/ moige(n) trecken Insgelix zullen die moeder ende kinde(re) halff/ en(de) half deilen den wijn ende dberhoud dat opde(n) dach van/ hede(n) es int huys daer de selve jan wilen de pape te woene(n)/ plach Item alle die schout die der voirs(creven) moeder nae des/ voirs(creven) huers brued(er)s doot aende wynne(n) oft pechtene(re)n zijnder goede/ gevallen es ende ombetaelt uutstaet sal huer volgen uutgenome(n)/ greyn van coirne welke schout van coirne die voirs(creven) moed(er) ende/ kinde(re) oic half en(de) half sullen deilen des sal de vors(creven) moed(er) ongelast/ zijn ende blive(n) van alle(n) sculden die de voirs(creven) jan wilen huer brued(er)/ sculdich mocht blive(n) als hij starf en(de) oic van zulker schout als de/ voirs(creven) her jacop hue(r) sone en(de) meest(er) jan suket doctoir in medicine(n)/ huer soude(n) moigen eysschen en(de) die sculden sullen die vors(creven) hue(r)/ kinde(re) int gemeyn te huerw(er)t neme(n) Sijn voirt overdragen dat/ alsulke(n) gereeden pe(n)ninghe als nae de doot vand(en) voirs(creven) wilen janne
//
de pape bleve(n) sijn ende noch sijn in wesen(e) geleecht sulle(n) wordde(n) soe/ eer soe bat inde erke des goidshuys van sinte mertens te loeven(en) ende/ die sulle(n) daer bliven om georbert te wordde(n) totten saken ende alsoe de/ selve jan wile(n) de pape sijnen executeurs dair af laste ofts behoefft en(de)/ daer sullen die bliven ten mynsten twee jaer en(de) d(aer)entynden en zijn/ die d(aer)enbynne(n) niet gebesicht salme(n) die dan aenleggen in erfrinte(n) tot/ der voirs(creven) kinde(re)n behoef ende die gecochte rente(n) alsoe sal de moed(er)/ halff trecken tot hue(re)r tocht hue(r) leefdaige lanck Ende alle de vliege(n)/ derve bleve(n) nae de doot des voirs(creven) wilen pet(er)s vand(en) breyne waer/ die sijn salme(n) inventarie(re)n maer de moed(er) sal die hue(r) leefdaighe/ moeghen gebruycken ende met der have(n) huer and(er)s dan voirscr(even)/ es toebehoiren(de) hue(re)n wille doen Desgelix salme(n) inventarie(re)n ende/ in gewarig(er) hant setten alle de erfbrieve bleve(n) naden selve(n) pete(re)n/ vand(en) breyne ende janne de pape ter plaetsen daer beyde de vors(creven)/ p(ar)tien des te vrede(n) [sullen moige(n)] sijn ende daer salse elc moige(n) halen om te/ besigen op goede caucie van wed(er) te bringe(n) ende nae de doot vand(er)/ moed(er) sulle(n) die ter stont volgen den voirs(creven) kinde(re)n cor(am) nethen(en) oude/ rogghe no(vem)[br(is)] vii