Met vorweerden eest tsake dat de voirs(creven) gelovers den voirs(creven) arnde ende/ jacoppen baten gebruede(re)n tusschen dit ende sinxen(en) naistcomen(de) alsulke/ behoirlijcke vestich(eit) ende vestich(eit) ende bewijssenisse op loflijcke pande/ gelegen te meerbeke voirs(creven) gedoen connen dat hen genoech dunct/ zijn ende dat zij daer mede te vreden zijn van eene(n) sacke rocx/ pacht ende mate van mechelen lijfpensien ten live van mathijse gote(n)/ ende machtelden goten zijnder suster ende tot des lanxteleven(de) live/ van hen beyde ende oic op dat bynne(n) den selve(n) tijde van sinxen(en)/ de selve gelovers den selve(n) arnde ende jacoppe baten gebrueders/ betalen twee sacken rocx eens pacht ende mate voirs(creven) dat/ dan in allen dien gevallen ende and(er)s niet de selve gelovers/ vanden voirs(creven) xiiii pet(er)s ten voirs(creven) lesten t(er)mijne vallen(de) quijt ende/ ongehoude(n) zijn ende blive(n) zele(n) d(er) voirs(creven) geloifte(n) niet wed(er)staen(de)/ cor(am) eisd(em)