SAL7361, Act: V°56.2 (118 of 504)
Search Act
previous | next
Act V°56.2  
Act
Date: 1467-09-15

Transcription

2019-07-16 by myriam bols
Vander questien die op heden in rechte qua(m) voir meye(r) en(de) scepene(n)/
van loeven(en) tussce(n) jouffr(ouwe) lijsbeth weduwe jacops wilen blanckart in/
deen zijde ende wout(ere)n pep(er)ling in dandere dair de voirs(creven) weduwe/
meynde dat zij de(n) voirs(creven) wout(ere)n aenspreken soude want hij te huer/
weert ware gehouden uut machte van scepen(en) brieve(n) va(n) loeven(en) die/
gevo(n)nist ware(n) sprekende vander pechtingen va(n) hue(re)n goede(n) gelege(n)/
te kyesekem van te voldoene vele pointe(n) inder selver pechtingen be/
grepen Vanden welke(n) de voirs(creven) wouter hielt de (con)t(ra)rie en(de) seyde dat me(n)/
ter waerheit vynden soude dat hij huer van allen dien scepen(en) br(ieven)/
hadde voldaen en(de) des boot hij bewijssenisse te doene in tide(n) en(de) wile(n)/
niet te min hij meynde dat zij met huerre ticht te desen male/
soude verhouden want hij huer boot aen te spreken en(de) op hede(n) dach/
dair toe hadde na uutwisen van i stad brieve aen den meye(r) van/
sichene(n) gesonden oft zijne(n) stedehoud(er) te kyesekem dair mede zij hue(r)/
goede als poirt(er)sse hadde doen ontslaen de welke de selve wouter/
hadde doen rasteren voir aenticht ende aensprake die hij te hue(r)w(er)t/
meynde te hebben ende alsoe hoopte hij met zijnre aenspraken yerst/
voirt te gane En(de) de voirs(creven) jouffr(ouwe) sustin(er)de de (con)trarie en(de) meynde/
met hueren scepen(en) brieve(n) die lange gevo(n)nist waren op hem te p(ro)/
cederen tot zij van huere(n) wettigen gebreken soude zijn voldaen/
en(de) hadde hij darentynden op hue(r) yet te volgen zij p(rese)nt(er)de hem/
daensicht te rechte te keeren Werdt gewijst met desen woerden/
geliefde den voirs(creven) pep(er)ling voirt te varen dat d hij dat dade/
ende met rechte cor(am) om(n)ib(us) scabinis sept(embris) xv
ContributorsMi-Je Van Gils
Moderated byMi-Je Van Gils
Last update: 2016-07-05 by Jos Jonckheer