Item vander aenspraken die willem de wynne geheten van schore/ gedaen heeft inde banc voir meye(r) en(de) scepen(en) van loven(en) tot/ andriese kerskaster alse van x stuvers eens die hij seide/ betaelt te hebben den scepen(en) van berthem voir den vorscr(even)/ andriese uut saken vand(er) naderscap van iiii mudden corens/ erflic opde goede henr(ix) snoet gelegen te berthem die/ hem de vors(creven) andries ontkynde seggen(de) dat hij hem van/ allen dien betaelt hadde niet te myn hij p(rese)nteerde hem/ d(air) af der banc recht van berthem dair dese sake verhandelt/ was van voir tot achter Was gewijst bij vonnissen der scepen(en)/ van loven(en) ter manessen smeyers na aensprake verantw(er)d(en)/ en(de) d(er) p(rese)ntacien des vors(creven) andries dat de vors(creven) p(ar)tien h(ier)/ af volgen souden inde banc te berthem dair de sake/ verhandelt was P(rese)nt(ibus) scabinis in scampno sept(embris) xix