SAL7361, Akte: V°87.1 (198 van 501)
Akte V°87.1
Act
Datum: 1467-11-24
Transcriptie
2021-03-11 door myriam bolsAlsoe als peter van weert gehete(n) lijnkens poirte(r) des(er) stad/
dach van rechte betekent zijnde bijden scouth(eit) van gheldorp/
van seke(re)n sculden oft haefliken optichte(n) die hem de voirs(creven)/
scouth(eit) opleggende was en(de) d(air) voe(r) hij opde(n) selve(n) poirte(r) be/
go(n)ne(n) hadde met rechte te p(ro)cede(re)n hem hadde doen uut/
sc(ri)ve(n) mett(er) stad en brieve d(air) af den dach op heden diende/
ald(air) de voirs(creven) poirte(r) niet comen en is de(n) voirs(creven) scouth(eit)/
compareren(de) Soe is gewijst met vo(n)nisse der scepen(en) va(n) lov(en)/
t(er) manissen smeyers waer de voirs(creven) poirte(r) niet en quame/
te(n) opstaene vande(n) meye(r) en(de) scepen(en) dat dan de voirs(creven)/
scouth(eit) p(ro)cede(re)n en(de) voirtvare(n) soude moege(n) t(er) plaetse(n) d(air)/
hij begonne(n) hadde P(rese)nt(ibus) o(mn)ib(us) scab(inis) de(m)pto colonia no(vem)[b(ris)] xxiiii
Nagekeken door: Mi-Je Van Gils
Moderator: kristiaan magnus
Laatste update:: 2016-07-05 door Jos Jonckheer