Item vanden stoote die geweest is tusschen pete(re)n vanden opstalle van herssele/ ter eend(er) sijden en(de) woute(re)n janssone in dande(re) van diversen scepen(en) brieve(n)/ der banc van herssele dair af zij inde banc aldair in gedinge gestaen hebbe(n)/ en(de) des dien aencleeft ende oic van diversen injuriosen worden die de/ selve wouter opden vors(creven) pete(re)n gesproken zoude hebben Hebben hen/ de selve p(ar)tien verbonden en(de) gesubmitteert inde eendrechtige uut/ sprake der p(er)sone hier na bescreven te weten(e) de vors(creven) peter in/ henricke willems voirspreke ende de vors(creven) wouter in pete(re)n vand(er)/ hoeven burg(er)meester die hue(r) eendrechtige uutsprake infor/ macie van p(ar)tien hebben(e) dair af doen zullen bynnen de/ vier kerstdagen naestcomen(de) Geloven(de) de vors(creven) p(ar)tien goet/ vast gestentich en(de) van weerden te houden allet ghene des bijden/ vors(creven) seggers uutgesproken sal worden en(de) oft p(ar)tien segger/ gebrake dat zij in die stat ande(re) gelike sullen mogen nemen/ tymple mercels nove(m)br(is) xxvi