It(em) pet(er) meuzijs? in p(rese)ncia heeft genomen ende bekint dat zi/ hij genomen heeft tegen johannese vand(er) hofstat [renu(n)c(ians) p(ri)vileg(iis) et al(iis) quibuscu(m)] tgoet van uthem/ metten huysen hoven wynnen(de) landen grechte(n) beemde(n) vorlen ende/ heyden d(air) toe behoe(re)nde den selve(n) joh(ann)ese en(de) jouffr(ouwe) magriete(n) van/ wynghe zijne(n) wive toebehoiren(de) en(de) allen hue(re)n toebehoirten/ gelijc ende alsoe v(er)re des vors(creven) pet(er)s voirsete(n) winne(n) der selver/ goede die gebruyct en(de) gehadt hebben Te houden te hebben en(de)/ te wynnen van halfmerte naestcomen(de) eene(n) t(er)mijn van sesse/ ja(r)en lanc due(re)nde deen nae dande(re) staphants sond(er) middel/ volgen(de) elx jairs d(air)enbynne(n) om en(de) voe(r) de so(m)me van sessen/ dertich peters te xviii st(uvers) tstuc de helicht te kersmisse en(de)/ dand(er) helicht ts(in)t jansmisse bap(tis)[te(n)] te betalen den vors(creven) joh(ann)ese/ jairlix den vors(creven) t(er)mijn due(re)nde q(uo)l(ibet) ass(ecutu)[m] It(em) es vorw(eer)de/ dat de vors(creven) pet(er) d(air) toe jairlix opde huyse d(er) vors(creven) goede/ sculdich sal sijn te leggen zonder cost des vors(creven) johannes/ iiii[c] walme(re) ende d(air) toe desmen behoeve(n) sal aen die huyse/ te leggen van ty(m)me(re)n decken metsen oft plecken dacroeden/ oft vitselro[e]de(n) steen oft calc dair af en sal pet(er) niet voird(er)/ gehouden zijn dan te diene(n) sond(er) joh(anne)s cost met sijne(n) wagen(en)/ en(de) p(er)den It(em) sal de vors(creven) pet(er) jairlix betalen bove(n) des vors(creven)/ steet voe(r) den houtwas op tvors(creven) goet staen(de) iii[c] mutsarts en(de)/ tot arscot te leve(re)n Ende die grechte(n) spruyte(n) en(de) vorlen vand(en)/ selve(n) goeden alsoe te bevreeden(de) en(de) te verwaren(de) dat den vors(creven)/ joh(ann)ese oft sijne(n) erve d(air) af gheen schade en gesciede en(de) oft/ hem d(air) aen e(n)nige gesciedde die sal de vors(creven) wynne oprichte(n)/ It(em) sal oic de vors(creven) wy(n)ne den vors(creven) joh(ann)ese jairlix geven/ en(de) leve(re)n eene(n) hamel vand(en) minste(n) noch vand(en) meesten/ en(de) eene(n) steen vlas oft vier stuv(er)s d(air) voe(r) Ende hij sal oic/ gehoude(n) sijn den vors(creven) joh(ann)ese twee daige te diene(n) dair/ den selve(n) joh(ann)ese dat gelieve(n) sal met zijne(n) wagen ende/ p(er)den mair joh(ann)ese sal alsdan en selve(n) wynne [wageman] en(de) sijnen/ p(er)den den cost geven It(em) sal de vors(creven) wynne sculdich sijn/ te late(n) de messie der vors(creven) goede alsoe goet alsme(n) die/ maken mach tot sijne(n) afsceide(n) [en(de) alsoe vele alsmen dat] met vijftich schapen
//
sesse coeyen en(de) ii p(er)de(n) beghinnen(de) te kersmisse op sijn leste jair ende/die op tgoet houden tot halfmerte te sijnen afsceiden(e) sal co(n)nen/ oft moigen doen It(em) sal de vors(creven) wynne tsijnen afsceiden gehoude(n)/ zijn [in tijts] besaeyt te laten op sijn getijdeghe(n) poren vromen twee/ boend(er) lants in tij ende oft de wynne meer lants maken/ oft besaeyen woude toebehoiren(de) den selve(n) goeden dat sal hij/ mogen doen ende van allen landen die hij besaeyen sal sal/ hij ten oeghste nae den tijt van sijnen afsceiden(e) die helicht/ trecken It(em) sal de vors(creven) wynne gehoude(n) sijn die wat(er)leyden/ te houden en(de) des he(re)n chijs te betalen sond(er) cost des vorscr(even)/ joh(ann)es It(em) sal de vors(creven) wynne sond(er) cost des vors(creven) joh(ann)es/ jairlix sijne(n) tijt due(re)nde sculdich sijn te planten(e) opt vors(creven)/ goet sonder joh(ann)es cost vivendertich willege(n) poten vier appel/ boeme en(de) d(air) toe te setten(e) sond(er) johannes cost thien heeste(re)n/ en(de) die te halen d(air) joh(ann)es die coepen sal It(em) wes de vorscr(even)/ wynne bij (con)sente van sijnen meest(er) [vors(creven)] aende vors(creven) goede/ leggen sal dat sal hem afgeslagen wordde(n) aende so(m)me/ vors(creven) It(em) wairt dat de vors(creven) wynne binne(n) middelen tide/ aflivich wordde ende lijsbeth sijn wijf dit goet niet/ lang(er) houden en woude soe sal sij binne(n) jairs nae d(er)/ aflivich(eit) tgoet moigen ruymen bij alsoe dat zijt een/ half jair te voren cundige It(em) zij selen [sal de vors(creven) wynne] allet dmoer/ houdt moegen uutroden ende sijnen wille d(air) mede doen/ Ende alle dese vorweerd(en) (et)c(etera) cor(am) roelants mercels/ decembr(is) xiiii