It(em) de voirs(creven) machtilt heeft gekint ende gelijdt dat zij alsulke(n)/ have ende vliegenderve als zij de(n) voirs(creven) lod(ewijcke) ten tijde vande(n)/ voirs(creven) huwelike overgaf zij doen die ghifte dede in sulker mey/ ni(n)gen dat hij die soude behouden sonder innebringe(n) en(de) sond(er)/ p(re)judijs van dien dat hij des te myn in dande(re) goede nae de/ doot van hue(r) soude moegen deylen verclarende dat dat noch/ is van huerre meyni(n)gen niet te myn oft hem die ghifte/ yet myn dan genoech ware Soe heeft de selve machtilt soe/ bij machte vanden lantrechte soe bij crachte vande(n) testame(n)te/ bij janne wile(n) de rijke hueren man gemaect de(n) selve(n) lod(ewijcke)/ lod(ewijcke) alnoch in behulpe en(de) onderstande vande(n) voirs(creven) huwelike/ nu gedaen ende gesolle(m)pnizeert verlooft en(de) gegeve(n) om die te/ moege(n) houden sonder inne bringen ende sonder p(re)judijs/ van des te myn te moege(n) deylen aengesien onder den ande(re)n/ anderen mededeylers in gereeden haven en(de) pe(n)ningen/ meer dan de weerde vanden goeden des voirs(creven) lod(ewijcx) gedrage(n)t/ versien zijn geweest d(air) af zij oec gheen innebringe(n) en sele(n)/ derve(n) doen cor(am) eisd(em)