Cont zij allen lieden dat gielijs vanden veken(en) in p(rese)ncia heeft/ opembairlic quijtgeschouden godevarde zedelere sone wilen/ godevarts zedelere ende jouffruwe katlijnen vander pontem/ sijnen wijve van allen geloften condicien vorweerden en(de) allen/ ande(re)n haefliken goeden actien dair inne wilen willem vanden veken(en)/ des voirs(creven) gielis brued(er) in zijnen leven(e) en(de) na hem de voirs(creven)/ godevart oft zijn wijf ten voirs(creven) gielis weert e(n)nichsins gehoud(en)/ oft verbonden mogen sijn totten daghe tot van heden Desgelix/ heeft de vors(creven) gielis gekint dat hem de voirs(creven) godevart en(de)/ sijn wijf met gereeden pe(n)ningen gecuelt en(de) voldaen hebben/ van allen sijnen rechte en(de) interest dat hij e(n)nichsins nu oft/ in toecomende tijden soude mogen hebben in alle alsulke/ beruerlike(n) goeden hodanich die mogen wesen oft met wat/ namen genoempt vliegen(de) erve ond(er) trecht van lov(enen) geheten/ als hem nu oft hier namaels nade doot der voirs(creven) jouffr(uwe) ka(tlij)[ne(n)]/ toecomen mochte van sucessien sijns voirs(creven) brued(er)s ende/ onder de voirs(creven) zijn swegerynne wesende oft rustende ende/oft [heeft] dair om van dien den selven godevarde en(de) sijn wijf volco/ mentlic gequiteert en(de) guijtgeschouden Vortmeer want de/ voers(creven) gielis bynnen cortten tijden herwerts ind(er) stat van bruessel/ opden wissel jans van elselair gerasteert hadde zeke(re) pe(n)ninge/ der vors(creven) zijnd(er) swegerinnen toebehoe(re)nde zoe heeft hij oic/ opembairlic gequijteert den vors(creven) janne van elselair van/ allet ghene des hij uut ocsuyne van dien pe(n)ningen den
//
selven janne van elselair oft yemant anders hier namaels/ zoude mogen eysschen Gelovende vort de vors(creven) gielis van/ deser kynnessen ende quitancie tegen eenen yegeliken goet/ gerecht warant te sijne ende te bliven tot eeuwegen/ dagen cor(am) nethen(en) ouderogge febr(uarii) xxiiii