It(em) want alle de vors(creven) goede die den vors(creven) iiii kinde(re)n in deilingen/ gevallen sijn gelijc vors(creven) steet belast sijn soe v(er)re die van huer(er)/ moeder wegen comen sijn met onderhalve(n) mudde(n) rox erflic/ aen weynen van eycke bastart die den selve(n) weyne d(air) op int/ testame(n)te wilen des vaders der vors(creven) katlijne(n) wilen vand(er) eycke(n)/ moeder der vors(creven) kinde(re)n gemaict en(de) gelate(n) ware(n) ende de voirs(creven)/ eyssen en(de) jan scollen sijn swag(er) voer hen ende inden name der/ vors(creven) ande(re) kinde(re) mette(n) vors(creven) weyne overcome(n) sijn soe v(er)re/ dat hij hen de vors(creven) i(½) mudde rox die niet te quite(n) en stonden/ sal late(n) quite(n) en(de) lossen tussce(n) dit en(de) sinte machiels dach naest/ comen(de) met xxx rijders Oft dat de selve kinde(re) hem inde stat/ vand(en) selve(n) i(½) mudde corens en(de) voir de lossinge d(er) selver tot eeu/ wig(en) dagen overgeve(n) souden en(de) doen en(de) late(n) volgen naden selve(n)/ dach die ii hollan(sche) gul(den) erflijc aen seke(re) goede wout(er)s van eycke/ oem d(er) vors(creven) kinde(re)n en(de) oic (½) mudde rox erflic aen zeke(re) goede/ pet(er)s mathijs al te rillaer geleg(en) die den selve(n) kinde(re)n oic bleve(n)/ sijn en na hue(re)r oud(er)s doot en(de) die buyte(n) den deilin(gen) vorsc(reven)/ tot behoef van desen laste bleve(n) sijn Soe es tussce(n) de vorscr(even)/ kinde(re) ond(er)sproken soe wie van hen de vors(creven) xxx rijd(ers) leggen/ sal willen en(de) alsoe de vors(creven) i(½) mudde rox d(air) mede lossen en(de) quite(n)/ dat dien oft den ghene(n) van hen het wa(r)en een oft meer die dat/ alsoe doen souden wille(n) de selve ii holl(ansche) gul(den) en(de) (½) mudde rox/ erflic in die stat tot eeuwig(en) daigen volgen en(de) bliven selen
//
en(de) selen dande(re) van hen die niet en hadden de lossinge vors(creven) hulpe(n)/ doen den selven lossers vestich(eiden) van hue(re)n gedeelte der selver ii holl(ansche)/ gul(den) en(de) (½) mudde(n) rox erflic mote(n) doen maer oft sijt alle gesame(n)d(er)/ hant loste(n) dwelc zij gelijc voirs(creven) steet doen moigen selen zij dan de/ selve rinte(n) en(de) pacht gesamender hant behoud(en) hebben en(de) gelijc/ deilen eisd(em)