Item sal den vors(creven) brief van c en(de) xxv r(ijnse) gul(den) bliven onder/ scepen(en) van loven(en) te dier meyningen oft zoe geboirde/ dat den selven ii p(er)sonen niet en volghden de voirscr(even)/ eyken opde welke zij d(er) vors(creven) vrouwen tott(er) vors(creven) so(m)men/ betaelt hebben in gereeden pe(n)ningen hondert en(de) xxv r(ijnse)/ gul(den) mits e(n)nich letsel oft hynder dat hen dair aen/ mocht geschien van wien dat wa(r)e dat zij dan de geheele/ vors(creven) so(m)me va(n) cc en(de) l r(ijnse) gul(den) aender vors(creven) vruwen en(de)/ hue(r) haeflike goede en(de) vliegen(de) erve verhalen sullen/ mogen Dwelc de selve vruwe also geconsenteert heeft/ behalve(n) oft zij e(n)nige eyken vand(en) vors(creven) gronde bynnen/ middelen tijde gecregen dat zij die d(er) vors(creven) vruwe(n) na/ advenant en(de) werde betalen sullen Welke eyken vors(creven)/ de voirs(creven) p(er)sone sullen moeten geruympt hebben van paesschen/ naestcomen(de) ov(er) een jair en(de) also dat de vors(creven) vruwen noch/ niemant and(er)s dair aen gheene schade en lijde cor(am) eisd(em)