Item vander questien die gheweest is voir den raide vand(er)/ stat tusschen henricke vanden berge brieder ter eender zijden/ en(de) henricke van dormale ter ande(re) welck henric vanden/ berghe den vors(creven) van dormale verghicht hadde voir/ thien rijd(er)s dair met hij begheerde vort te vae(re)n met rechte/ op dwelc de vors(creven) van dormale seide dat de selve vand(en) berge/ metter vors(creven) ghichtingen niet sculdich en wa(r)e vort te vae(re)n
//
aengesien dat die spruyten(de) quam vander hueringen van/ eender ca(m)me(n) te berthem gelegen also de selve vand(en) berghe/ genoech kynde gehuert te hebben tegen janne lesens/ hopende dair om dat hij na recht sculdich wa(r)e te/ volghen opden selven janne lesens en(de) niet op hem/ gemerct dat hij van sijne(n) tijde vand(er) voirs(creven) hueringen he(re)n/ osten de cok cock priester diet bewint der selver ca(m)men/ hadde volcomentlic betaelt hadde P(rese)nte(re)nde nochtan/ dat hij bereet ware te comen voir den vors(creven) he(re)n osten/ en(de) aldair claernesse van dien te doen Was get(er)mijneert/ dat zoe verre de vors(creven) vanden berghe uut ocsuyn der/ vors(creven) hueringen gelieft te volgen den vors(creven) janne lesens/ dat hij dat doen mach en(de) de vors(creven) ghichtinge sal/ bliven berusten(de) zond(er) d(air) mede te wercken Act(um) in pleno/ consilio m(ar)cii penult(ima)