Van dat henric de mont gehete(n) malcorps hem inde(n) rechte/ voir meye(r) en(de) scepen(en) van loeven(en) gepijnt hadde aen te spreke(n)/ massard de warnant om zeke(re) gescille die geweest zijn/ tusscen tgoidshuys van sinte laureys bij luydic en(de) de(n) voirscr(even)/ massart van zeke(re)n goeden omtrint yncourt gelege(n) en(de) de voirs(creven)/ henr(ic) midts p(ro)cur(acien) die hij bracht vande(n) abt des voirs(creven) goidsh(uys)/ gemaect en(de) gepass(eer)t voir scepen(en) va(n) luydick va(n) int jair/ xiiii[c] lx en(de) die oec soe volcomelijc niet en sprake(n) dat/ in rechte genoech was Soe w(er)t midts de(n) wed(er)legge(n) des/ voirs(creven) massarts hier op bij scepen(en) van loeven(en) gewesen dat de/ p(ro)cu(ra)cie des voirs(creven) henr(ix) niet genoech en wa(r)e cor(am) o(mn)ib(us)/ scab(inis) m(ar)cii xxix