Op tversueck dat joes uute(n) hove gehete(n) zedele(re) met janne/ vanden poele zijne(n) zwagh(er) voir den rade vand(er) stad ged(aen) heeft/ als dat gielijs vand(er) stoct hue(r) zwagh(er) die onlanx tot zijnen/ huys ontfaen heeft lijsbette(n) boekels des voirs(creven) joes en(de) g(er)trud(en)/ zijnre zuster moeder overmidts dat zij bij faute(n) va(n) me(m)orie(n)/ en(de) anderssins hue(r) selven niet geregeren en conde en(de) desgelijx/ hue(r) brieve en(de) have bij inventar(is) vanden selven aenveerdden/ goeden borghe ende caucie stellen soude om elken na der voirs(creven)/ moeder doot van dien te moegen hebben des hem toebehoirde/ ende tverantwerden des voirs(creven) gielijs dair tegen gedaen Is ut(er)lijc/ get(er)min(eer)t soe v(er)re de voirs(creven) gielijs tregimi(n)t en(de) a(d)minstracie vand(en)/ voirs(creven) p(er)sone en(de) goede(n) aenveerdden en(de) behoude(n) wille dat hij/ dan voir de aenveerdde goede caucie stellen sal om d(air) af/ van des zij bove(n) hue(r) jaerlijcsche rinte oft des nooit wa(r)e bij/ ordinanc(ien) vander stad niet en behoefde na hue(r) doot genoech/ te doene den ghenen dien dat behoirde En(de) voirt dat de brieve/ onder de stad comen en(de) bliven selen om huer behulp te gesciene/ vander jaerlijcsch(er) betalingen en(de) na huer doot te volge(n) dien/ zij na recht sculd(ich) selen zijn te volge(n) In pleno (con)s(ilio) ap(ri)lis xxvii