Item es den vors(creven) bekinbrief bekint te dier meyni(n)gen dat hij/ bliven sal onder scepen(en) va(n) lov(ene) en(de) om deswille dat de vorscr(even)/ gerart voir den vors(creven) pete(re)n op heden gelic vors(creven) is borge is/ bleve(n) voir de vors(creven) iiii riid(er)s inden gevalle oft de selve/ peter de vors(creven) iiii rijd(er)s bynnen eene(n) jare naestcomen(de)/ niet af en queet en(de) den vors(creven) gerarde en loste [mar d(aer) af last hadde oft crege] dat de/ selve gerardt op dat hem gelieft dan metten selve(n) brieve/ totter lossingen vors(creven) sal mogen wercken na dat djaer v(er)streken/ sal wesen ende anders niet Ende de vors(creven) gerart van/ des vors(creven) is geloft zijnde salme(n) dan den vors(creven) brief te/ nyeute doen en(de) a(n)nichile(re)n cor(am) roelants tymple maii xxvii