Item na dat johanne van chynyamont als geleit tot allen/ den goeden collarts haers vaders hair metter stat brieve/ hadde doen leve(re)n alle de selve goede onder den meye(r) van/ genepien gelegen dair aen hair pijnde ongebruyc te doen/ marie van chynyamont hair zuster dair af dat den/ dach van rechte diende inde banc voir meye(r) en(de) scepen(en) va(n)/ loven(en) op in dijsendage lestleden Ende de selve marie d(er)/ vors(creven) johanne(n) hier af betogen heeft voir den raide vand(er)/ stat tende(re)nde om hair kynsgedeelte inden goeden van hue(re)n/ vad(er) en(de) moed(er) te hebben en(de) dat de selve johanne hue(r) brieve
//
sculdich zoude zijn te leggen ond(er) de wet alhier Op dwelc de selve/ johanne meynde de contrarie en(de) seide dat zij met hue(re)n scepen(en)/ brieve(n) vortvae(re)n soude en(de) sculdich ware vort te vae(re)n inde banc voir/ meye(r) en(de) scepen(en) va(n) lov(enen) p(rese)nterende hue(r) schout te verifice(re)n na des(er)/ banc recht met hue(re)r eedt en(de) tot dien dat de selve h(air) suster niet/ ageren en zoude tegen hair aengesien dat zij eenen getrouwede/ man hadde Wair op de he(re)n de reden(en) van beide den p(ar)tien/ aengehoirt beide de vors(creven) p(ar)tien stelden inde banc voir meye(r)/ en(de) scepen(en) va(n) lov(enen) v[van] beyden saken vorg(eruert) Actu(m) in pleno consilio/ aug(usti) xxi